Radhë të gjata në doganën e Bllatës
pala maqedonase punon me ritëm të ulët

Paraditja e kësaj të mërkure është shoqëruar me radhë të gjata të automjeteve dhe shtetasve të cilët kanë dashur që të hyjnë në territorin maqedonas dhe shkak për këtë është bërë puna mjaft e ngadaltë të cilën kanë bërë ekspertët e policisë së kufirit të palës maqedonase.

Sipas të dhënave që vijnë nga kjo pikë kufitare radha e automjeteve ka arritur deri në 2 kilometra, ndërkohë që për orë të tëra presin për të hyrë në Maqedoni edhe fëmijë, gra dhe të moshuar.

Po ashtu, policia maqedonase është duke kryer edhe kontrolle të imtësishme në të gjitha automjetet q duan të kalojnë.


Redaksia Online
(F.T/shqiptarja.com)