POP 5

Lajmet më të lexuara të 5 minutave të fundit

Kronikë

Radhët në Kakavijë/ Xhaçka për Report TV: Kemi kërkuar nga pala greke zgjatjen e orarit përtej orës 22:00! Qytetarët që nuk e kanë me ngut udhëtimin të kthehen

Në një lidhje telefonike për Report Tv, ministrja Xhaçka tha se po komunikohet me palën greke për të rritur kapacitetet testuese të bërjes së tamponit në kufi, por edhe të zgjatjes së orarit të punës edhe përtej orës 22:00. Ajo gjithashtu i bëri thirrje qytetarëve se kush nuk e ka me ngut udhëtimin në Greqi, të kthehet për të shmangur krijimin e radhëve të gjata dhe të kontribuojë në lehtësimin e situatës.

Për situatën në pikën kufitare të Kakavijës, ku radhët e makinave arrijnë deri në 20 kilometra dhe qytetarët ndodhen të bllokuar aty prej 3 ditësh, Ministrja e Mbrojtjes, Olta Xhaçka  ka cilësuar shkaktar situatën e pandemisë që ka detyruar vendet të vendosin rregulla të reja si dhe ngutjen e qytetarëve për të udhëtuar në mënyrë që të mos preken nga kufizimet e reja nga pala greke pas 16 gushtit. Në një lidhje telefonike për Report Tv, ministrja Xhaçka tha se ajo vetë, por edhe ministria e Jashtme dhe ajo e Shëndetësisë kanë komunikuar me homologët e tyre grek në mënyrë që të lehtësohet sa më shpejt të jetë e mundur situata duke rritur kapacitetet testuese të bërjes së tamponit në kufi, por edhe të zgjatjes së orarit të punës edhe përtej orës 22:00 , ku pikat kufitare të punojnë edhe gjatë natës. Për këto pika palët janë ende në diskutime, tha Xhaçka, ndërsa shtoi se po bëhet gjithçka është e mundur që qytetarëve të bllokuar t'u sigurohen nevojat bazike, nevojë e diktuar dhe nga situata e pandemisë.

 "Është krijuar një radhë kilometrike e atyre qytetarëve që duan të udhëtojnë drejt Greqisë. Kjo situatë është diktuar edhe nga disa rregullat dhe kufizimet e reja të vendosura nga data 17 gusht dhe kjo shpjegon ngutjen për të udhëtuar me këtë fluks gjatë këtyre ditëve. Duhet sqaruar se vendimet e qeverisë greke janë marrë për të gjitha dhe jo vetëm për vendet jashtë BE. Kemi komunikuar me palën greke dhe unë kam pasur komunikim me homologun tim dhe e njëjta gjë edhe me ministrinë e  Shëndetësisë dhe atë të Jashtme kanë komunikuar me homologët e tyre grek, për të lehtësuar situatën. Kjo nuk do të thotë heqjen e rregullave të vendosura për të gjithë, por do të thotë rritje të kapaciteteve testuese në kufi dhe për këtë po punon pala greke pasi është dhe arsyeja që ka shkaktuar radhë. Pala greke po bënë maksimumin për të rritur ekipet mjekësore dhe zgjatja e orarit përtej orës 22:00 që do e çonte në shfryrjen e situatës që na takon. Po bëjmë maksimumin për të plotësuar nevojat bazike dhe të sigurisë,krijimin e masave higjieno-sanitare të domosdoshme për kohën kur po kalojmë", tha Xhaçka

E pyetur se pse autoritete reaguan vetëm pas tri ditësh, kur mediat e ngritën këtë shqetësim të qytetarëve, Xhaçka u shpreh se  kjo situatë nuk është e krijuar nga qeveria por nga vetë udhëtarët që janë ngutur në udhëtim për të shmangur kufizimet e reja pas 16 gushtit vendosur nga pala greke, në një kohë që sipas Xhaçkës të gjithë qytetarët ishin njoftuar për orarin e kufizuar dhe bërjen e tamponit në kufi.

Ministrja Xhaçka gjithashtu i bëri thirrje qytetarëve se kush nuk e ka me ngut udhëtimin në Greqi, të kthehet për të shmangur krijimin e radhëve të gjata dhe të kontribuojë në lehtësimin e situatës.

"Kjo nuk ka lidhje me atë çfarë bëjmë ne pasi kjo është një situatë e krijuara nga nguti i udhëtarëve dhe nuk është një situatë e krijuar nga qeveria. Rruga në kthim është e hapur dhe kushdo që nuk e përballon dot këtë situatë të kthehet. Kush nuk ka  urgjencën për të udhëtuar brenda këtyre datave edhe duke pasur parasysh që është sezon turistik dhe jo muaj të ngutshme për punë do të ishte e udhës të mos udhëtonin duke mos bllokuar në zgjatjen e  radhëve. Po bëjmë maksimumin për të plotësuar nevojat bazike dhe jo për të prishur rregullin e vendosur por lehtësuar sa më shumë që kalimi në kufi të jetë sa më i shpejtë", tha Xhaçka.

/k.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ops: 14/08/2020 22:32

    Pse si kalove me helikopter o zoje sic ike vete ???

    Përgjigju
  • Ori: 14/08/2020 22:15

    Shqiptari do behet zot kudo,te hyj e te dal kur do e si do.Aty te vdesin si zagar ne rradh se askush nuk i tha te vijn e as te shkojn

    Përgjigju
  • Publik: 14/08/2020 21:56

    Normal që kur ta fut greku gjer në fyt nuk të shohin më sytë, dhe i shfryhesh të parit që të del para. Se mos bëni gabim e i thoni gjë kur të kaloni andej. Bëni siç kemi bërë e bejmë gjithmonë.

    Përgjigju
    • Ali Pasha: 14/08/2020 22:26

      O shoku ,.pse viktimizoheni kaq shume? Ti po pret qe Shqiperia ti tregoje Greqise se cfare regullash te vendosi ne shtetin e vet dhe per me teper qe vepron ne kuader te BE-se??? Greqia ka 2 jave qe ka lajmeru keto masa dhe emigranter vetem jane futur ne Shqiperi dhe nderkohe ikon qe te mos tj kapin masat e 17 gushtit. Faji i qeverise eshte qe nuk eshte kujdes per qytetaret qe 3 dite me pare dhe qe nuk ka pas dialoge me palen greke qe ne fillim Vetem sot i kerkuan grekeve te shtojne tamponat ne 400 ne ore.

  • Staplerfahrer: 14/08/2020 21:02

    Tu e dit situhaten e pandemis, rri i mor bab n shpi, care mutin doni qe kaloni kufijt

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43