Dibra po hyn në një fazë të re turistike dhe këtë herë jo vetëm për natyrën e qetë e të bukur, por për adrenalinën që ofron. Sporti i rafting-ut në Drinin e Zi po shndërrohet në një nga aktivitetet që po i jep një tjetër ritëm zonës duke tërhequr gjithnjë e më shumë turistë vendas dhe të huaj të apasionuar pas sporteve ujore.

Kryeministri Edi Rama ndau pamje nga aktivitetet e rafting në këtë lumë, ku skuadra “Rafting Dibra” po ofron përvoja unike plot adrenalinë për vizitorët siç shihet në video.

Drini i Zi, së bashku me luginën e tij, ofron kushte të përshtatshme për zhvillimin e këtij sporti, duke krijuar një potencial të ri për turizmin e aventurës në këtë zonë.

Lumi buron nga Liqeni i Ohrit në një lartësi prej 695 metrash mbi nivelin e detit dhe rrjedh drejt veriut, duke kaluar nga Maqedonia e Veriut në Shqipëri, ku pranë Kukësit bashkohet me Drinin e Bardhë për të formuar lumin Drin, i cili derdhet në Detin Adriatik.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Mars, 23:04

    Play-off i Botërorit, mendoni se Shqipëria do e kalojë Poloninë?

Lajme të tjera