/ATSH/. - Mino Raiola, menaxheri i Paul Pogba, ka bërë të ditur se futbollisti francez nuk do të largohet nga Juventusi gjatë merkatos dimerore.

Paul Pogba nuk do të largohet nga Juventusi gjatë dimrit, edhe pse është bere e ditur se Manchester United, Real Madrid, PSG dhe Celsi janë të interesuar për të. Këtë e ka konfirmuar menaxheri i futbollistit francez, Mino Raiola.

"Paul ka rinovuar kontratën. Ai ka një marrëveshje 5-vjeçare me Juventusin dhe çfarë do të ndodhe me të do ta shohim ne qershor ose korrik", ka theksuar Raiola.
"Unë jam në futboll prej nje kohe te gjate dhe nuk mund ta parashikoj të ardhmen e Pogbas. Ai sot është lojtari më i shtrenjtë në qoftë se do të jetë në treg", ka deklaruar Raiola.