Rally Albania, Etapa e 4, spektakël
gare në aksin Tushemisht-Himarë

Tashmë gara më e bukur e motorëve dhe e makinave ka hyrë në fazën më kulminante. Etapa e radhës Tushemisht-Himarë 344 km ka qenë një spektakël I vërtetë ngjarjesh. Kategoria e motorëve prodhoi sot lajmin e ditës ku fillimisht kampioni në fuqi Andrea Cosentino cau gomën e pasme duke lënë garën në mes por dukej që s’do mbaronte me kaq. Italiani me eksperience arrin të gjej një mënyrë për të zëvendësuar gomën dhe mbyll garën, sigurisht me një diferencë të theksuar nga të të tjerët.

Kjo I dha mundësi Paolo Cecit që sot me sigurimin e fitores së radhës së etapës së 4, të shkojë I qetë drejt fundit si kampioni I ri në Shqipëri. Për tu vendosur kanë mbetur vetëm 2 vendet e tjera të podiumit.

Ngjarje interesante ka pasur edhe në kategorinë e makinave me defekte të shumta dhe dalje nga gara prej disa konkurrentëve. Terreni I vështirë dhe konsumimi I tyrë ka sjell që situate të arrij deri në pikën që makinat e mbetura ende në garim të përgjysmohen. Kjo e enjte mund të konsiderohet e zezë për pilotët Italian, Ivan Petruzelli dhe Paolo Manfredini duke I zbehur shanset e tyre për arritjen e kohës më të mirë që do të mund ti shpallte kampion. Petruzelli pati problem me gomën e pasme të majtë ndërsa Manfredini këputi freksionin duke lënë kështu garën menjëherë.

Në renditjen e përgjithshme të makinave udhëheqin Ivan Petruzelli dhe Massimo Simonetta me Mitsubishi por që ndiqen nga shumë afër nga Martin Dechent dhe I treti shqiptari Ilir Loti. Me siguri gjërat do të ndryshojë shumë shpejt në këtë kategori kjo edhe për shkak të diferencës së ngushtë që ekziston mes tyre.

Tek motorrat gjërat janë të thjeshta dhe të qarta, Italian Paolo Ceci ka vendosur dominimin dhe kryeson bindshëm në vend të parë, duke lënë pas Boris Vlha nga Sllovakia dhe Andrea Cosentinon.
Etapa e radhës do të jetë Drimadhes-Himarë-Drimadhes e gjatë 220 km, një etapë teknike dhe shpejtësie.




































Redaksia Online
(d.a/Shqiptarja.com)