TIRANË- Qeveria e re 'Rama 3', do të betohet te Ilir Meta, nëse ky i fundit nuk do të jetë i shkarkuar nga Gjykata Kushtetuese, një procedurë që pavarësisht "luftës" Presidencë-Qeverisë, kryeministri Edi Rama nuk mund ta anashkalojë. Një fakt i tillë është pranuar sot nga vetë kreu i qeverisë, i cili theksoi se nëse Meta do të vijojë të jetë në atë zyrë si kreu i Shtetit, ai nuk do bëjë gjë tjetër veçse të respektojë Kushtetutën. Megjithatë, kjo nuk është një "sheshim i gjakrave", pasi Rama shtoi se gjatë verës nuk ka pasur asnjë përpjekje për "t'u pajtuar".
" Për sa kohë është në zyrë, do respektojmë kushtetën. Janë ndarë rrugët mes PS dhe Ilir Metës janë të pakthyeshme", tha Rama.
Në një kohë që rrugët me presidentin janë të pakthyeshme, nuk është e njëjta gjë me opozitën! Kjo e fundit e ka një ndër shtyllat kryesore të aksionit të saj opozitar, me rikthimin në Kuvendin, ndryshimin e Reformës Territoriale që sipas tyre nuk reflektojnë nevojën e qytetarëve dhe për këtë Rama shprehet më se i gatshëm për të diskutuar. I gatshëm jo vetëm për ndryshimin e Reformës Territoriale, por edhe të çdo platforme politike apo projekti që PD-ja mund të paraqesë, por thotë se e ka një kusht: Mjafton që opozita të mos shajë Shqipërinë në gjuhë të huaj.
"Ne themi se duhet të kemi më pak bashki, ata më shumë. Megjithatë jemi të gatshëm që të ulemi me opozitën për reformën teritoriale që tani", tha Rama.
Sot në Asamblenë e PS, kryeministri zgjodhi që të bënte publike emrat e qeverisë së re, dhe të 17 emrat ( 12 gra dhe 5 burra) që u konfirmuan, e asnjëri prej tyre nuk e ka ditur që do të zgjidhej ministër. Refuzime nuk mund të ketë, kjo sepse sipas kryeministrit Edi Rama, kjo është një detyrë që u ngarkohet dhe për aq kohë sa janë pjesë e partisë, duke ta mbajnë përsipër këtë përgjegjësi që i besohet.
"Asnjëri nuk e ka ditur, asnjëherë nuk e kanë ditur. Kur je pjesë koalicionit, duhet të diskutosh emra, kur je shumicë, do të diskutosh kur do të marrësh një ministër jashtë partisë, ata që janë të mandatuar e kanë detyrë, nuk ka s'dua. Nuk është restorant, është një front beteje. kështu që kush është i mandatuar dhe ka ardhur për të përfaqësuar shumicën, do e përfaqësoj", tha Rama në 'Opinion'.
Nisur nga fakti që në këtë mandat të tretë, PS-ja ka shumicën, Rama tha se nuk ka qenë e nevojshme që të konsultohet me dikë, por është ekskluzivitet vetëm i tij.
"Kjo është përgjegjësia ime me Kushtetutë, që të ndërtoj kabinetin qeveritar, se nuk është një detyrë kolektive. Në rastet kur bëhet fjalë për individë, që ti i fton, nuk u thua ti do bëhesh. Është detyrë, jo privilegje, natyrisht që probaliteti që dikush të thotë "nuk dua" ekziston", vijoi Rama.
Një nga shtyllat kryesore të aksionit të opozitës është ndryshimi i Reformës Territoriale dhe kryeministri Edi Rama është shprehur se është i gatshëm që të ulet në tryezë me PD-së për të diskutuar. Ai tha se është i gatshëm që sot, për ta bërë një gjë të tillë, duke konfirmuar gatishmërinë e tij për një "bashkëpunim", me opozitën për Reformat kryesore të vendit.
"Ne themi se duhet të kemi më pak bashki, ata më shumë. Megjithatë jemi të gatshëm që të ulemi me opozitën për reformën teritoriale që tani", tha Rama.
Megjithatë, ai tha se është i gatshëm për bashkëpunim me opozitën, për të ndërtuar një klime të re politike në vend.
“Opozita është e mirëseardhur, dhe unë jam i gatshëm që të ndërtojmë një klimë të re politike. Të përpiqemi të gjithë së bashku e që mos t‘i përcjellim shqiptarëve atë energji negative, si rezultat i një politike që është 90% luftë personale dhe 10% debat për çështjet. Pushtetin lokal nuk e kemi marrë 100%, por na e kanë lënë në dorë. Pse duhet të bëjmë ne një gjë të tillë për zgjedhjet lokale, jo për t’u bërë njësh, ose për të thënë ‘ok’. Po cilat gjera mund të jemi bashkë, që kanë interes kombëtar. Nëse PD do të thoshte; Ne jemi gati që në anglisht mos ta shajmë më Shqipërinë, do më jepte motivimin që së bashku me të tjerët do i jepnim një ofertë solemnisht.”, pohoi Rama.
Pyetjes nëse do të ishte i gatshëm për një qeveri të përbashkët me PD-në, Rama tha një përgjigje pa përgjigje.
“Ça qeverie e përbashkët? Me kë? Nuk i shkoj këtyre pyetjeve tek e tek. Unë jam i gatshëm që të pres çdo preket politik për të ardhmen e vendit. Ne e kemi bërë kur kemi qenë në opozitë. I kemi bërë disa alternativa. Unë jam i gatshëm dhe i hapur. Edhe në reformën terroritoriale, opinionet i kemi të kundërta, s’kemi pse mos të ulemi dhe të diskutojmë. Ne nuk do të bëjmë një ligj të ri zgjedhor. S’kemi ligj të ri zgjedhor për të bërë. Nuk kontestohen zgjedhjet për shkak të ligjit. Opozita, PD ka humbur zgjedhjet dhe janë të pestat zgjedhje radhazi që humbin. Arsyet se pse humbin 5 dhe do të humbin dhe 2 të tjerat, është se nuk e kanë gjetur mësimin se pse humbën të parat. Duke pretenduar se do të kesh rezultat tjetër, kjo nuk ndodh. Duhet të ndërrosh sistem. Rregullat e lojës i bëjnë të gjitha palët, janë bërë nga të gjitha. Nëse s’do të ishin bërë, do të kishim pasur reagim nga ata që shpesh herë nga ata që reagojnë.”.
Kryeministri Edi Rama ka bërë me dije se qeveria e tij e re do të betohet te preisidenti Ilir Meta, të cilin Kuvendi e ka shkarkuar.
" Për sa kohë është në zyrë, do respektojmë kushtetën. Janë ndarë rrugët mes PS dhe Ilir Metës janë të pakthyeshme", tha Rama.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Sali Berisha lirohet nga 'arresti shtëpiak!' Reagon opozita! Bardhi: Fitore politike e tij! Meta nga burgu: Urime
27 Nëntor, 11:29 -
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Basha: Dënimi i Dakos pozitiv por i pamjaftueshëm, të hetohet për lidhjet me krimin e organizuar dhe blerjen e votave! Politika të ndahet nga krimi, luftë korrupsionit
25 Nëntor, 18:03
Vazhdo para CUB se per ate pun ta ka dhen sovrani voten. Tani duhet vetem pun qe shqiperia te kap Europen. Luli po te ishte i zoti e votonte populli,por me cfar duket veshtir do ta ket perseri.
PërgjigjuDo i paguaj SHBA shpenzimet per Afganet?! A te marrte dreqi ty me gjithe SHBA-te... tani une dhe rrjeti im i supaxhinjve shqipfoles nuk ju bombardojm dot me komente helmuese te llojit "pse ata te qendrojn falas ne hotele ndersa ne te paguajm?". Tani duhet te gjej dicka tjeter si te ve kujen, si te perhap pesimizem dhe urrejtje ne rrjete sociale, se per ndryshe me le shefi Grek pa sup! ... S'ka problem - ka qasje tjeter: DO SILLNI 4000 AFGANE?!?! SI NUK KENI TURP?! PO I ZEVENDESONI SHQIPTARET ME RRACA TE HUAJA! ME KETE RITEM NE SHQIPTARET DO KTHEHEMI NE PAKICE ETNIKE! RRACE E POSHTER!
Përgjigju