Rama: Fredi Beleri po kërcënon emigrantët se do u grisë letrat! S’ka Zot që kjo të ndodhë, Greqia s’do një sekser maskara

Kryetari i Partisë Socialiste, Edi Rama ka akuzuar Berishën dhe Metën për kandidatin e tyre në Himarë Fredi Belerin i cili ka shprehur haptas retorikën e tij anti-shqiptare me deklaratën ku tha se do të helenizojë Himarën.

Nga takimi me mbështetësit në Kamëz ku kërkoi votën për Rakip Sulin, u ndal edhe te Himara. Ai tha se edhe gjatë konflikteve të mëdha mes PD dhe PS në Himarë kandiduan bashkë për të mos lënë drejtimin e bashkisë në dorë të dikujt që kishte tendenca anti-shqiptar ndërsa sot Berisha dhe Meta kanë vënë si kandidat një person që ka kërcënuar edhe emigrantët se do u grisë letrat nëse nuk votojnë për të. Kryesocialisti  shtoi se diçka e tillë është e pamundur të ndodhë dhe se askush nuk mund të nëpërkëmbë shqiptarët.

“Sa burrë i mirë është baca, këtë ma lini mua se e di vetë. Ajo që po ju them është se po të ishte i mirë baca, s’do ja jepte mundësi atij në Himarë me mbështetjen e bacës dhe Like Floririt për të helenizuar Himarën, thotë ai… Kjo është diçka që PD se ka bërë as në vitet 90 apo 2000 kur ishin punët thikë më thikë me PS. Kur zgjedhjet bëheshin me konflikte të jashtëzakonshme mes tyre. Atje në Himarë vajtën bashkë PS e PD, në Himarë për të mbështetur një kandidatë të përbashkët kundër dikujt që kishte tendenca antishqiptare. Por ai kandidati atëherë kundër të cilit unë PS e PD, ishte një zotni burrë krahasuar me këtë maskara që ka dalë atje në Himarë e më mbështetjen e Salike floririn për bashkë fitojmë. Kush fiton me të ? Është  siguritë që s’fitojnë demokratët, e djathta shqiptare, prandaj atë sovranitetin që u a shet baca të djathtëve se nuk është sovranitet kur baca do ti shmanget përballjes me vulën, është vasalitet kur çon atje një eksponent që vjen nga skutat më të errëta të armiqësisë me shqiptarët që kërcënon marrëdhëniet me Greqinë, që u kërcënon emigrantët që do u marri letrat e do ja u grisi po nuk votuan për të…

LEXO EDHE:
Mero Baze: Beteja për mitingun e Athinës po bëhet më e madhe se vet mitingu

Nuk ka zot që ja u gris letrat emigrantëve. Dhe ju them të gjithë emigrantëve që dëgjojnë sekserët e këtij që nuk ka Zot që atyre ua gris letrat se po të jetë puna për të pasur një avokat mbrojtës në Greqi, e dinë adresën. Po vjen puna për të patur avokat mbrojtës në Greqi është te kryeministria. Jo te ky honxho ponxho që ka mbetur I ngrirë në kohën e urrejtes. Ne grekët i kemi vëllezër, s’kemi nevojë të nxisim urrejtje. S’ka shansë të dali dikush të nëpërkëmbi shqiptaret. Ky maskara që thotë do të vë në vend të drejtat e mohuara në 60 vjet. Ky s’di të llogarisë, ça është 60 vjet. Do helenizoj Himarën. DO e kthejë ku di unë se çfarë. Atë e atje se kemi peshqesh nga qeveria greke, por nga ajo dyshe që ka nxjerr maskat nëpër Shqipëri”, tha Rama.

Reagimet e ashpra për Fredi Belerin vijnë pasi në deklaratën e tij për mediat greke tha se do të helenizojë Himarën në rast se do të zgjidhet në krye të bashkisë më 14 maj.

“Është jetike për helenizmin e Himarës të kapërcejë të gjitha pengesat, që e pengojnë këtë mundësi, të ketë punë të mira, të gëzojë pasurinë e tij, e cila na është mohuar prej 60 vitesh, për t’iu ofruar arsim në gjuhën amtare, greke të gjithëve. Zgjedhja ime do të lehtësojë rrjedhën e helenizmit”, tha Beleri.

Kandidatura e Fredi Belerit në Himarë, i akuzuar si i përfshirë në Masakrën e Peshkëpisë është kritikuar shpesh nga Idrizi, madje edhe nga socialistët.

Rendit zhvillimet sipas orarit:

Të Fundit Të Parat

B.V/A.M./Shqiptarja.com

TAG:
• edi rama
• fredi beleri
• Tirane
• kamez
• zgjedhjet vendore 2023