Rama ‘shpërthen’ në mbrojtje të emigrantëve dhe Himarës nga kërcënimi i Belerit: Mos guxoni t’i merrni në telefon e t’i kërcënoni, do merrem personalisht me ju

Kryeministri Edi Rama ka sulmuar sërish kandidatin e koalicionit Berisha-Meta, Fredi Beleri, për shkak të deklaratës së këtij të fundit në një intervistë për mediat greke ku tha se do të helenizojë Himarën.

Rama e cilësoi Belerin një maskara për të cilin shtoi se ka angazhuar njerëz për të kërcënuar emigrantët shqiptarë në Greqi që të votojnë për të më 14 maj. Sipas Ramës, 2 personat që po kërcënojnë emigrantët se do iu grisin letrat greke janë Napolon Çakalli dhe Spiro Koka, të cilët i paralajmëroi se do merret personalisht me ta.

“Ky maskara ka angazhuar njerëz për të kërcënuar emigrantët. Unë dua ta shfrytëzojë këtë emision për t’iu drejtuar dy personave me emër. Një Napolon Çakalli, i cili e di shumë mirë se kush është dhe një Spiro Koka, një tjetër personazh. Iu them që mos guxoni të merrni në telefon emigrantët që duan të votojnë ose që mund të vinë të votojnë, as për t’iu thënë që do vini të votoni patjetër për këtë injorantin këtu apo duke i thënë që po votuar për Goron e PS do iu grisim letrat greke dhe unë po iu them në sy do të merrem personalisht me ju të dy dhe jeni ju që rrezikoni që t’i humbisni letrat greke. Avokati më i madh i emigrantëve në Greqi dhe i minoritetit grek në Shqipëri jam unë dhe qeveria ime, është ky shtet”,-tha Rama në një intervistë televizive.

Lajmi kryesor:

Rama: Fredi Beleri po kërcënon emigrantët se do u grisë letrat! S’ka Zot që kjo të ndodhë, Greqia s’do një sekser maskara

A.M./Shqiptarja.com

TAG:
• edi rama
• fredi beleri
• Tirane
• kamez
• zgjedhjet vendore 2023