Rama batuta në FB për Ristanin:
I dehur për t'i dhënë zemër partisë

Krahas ankesave të përditshme për papunësi, problemet me infrastrukturën apo dhe për çmimet e larta, qytetarët kanë zgjedhur të "thumbojnë" kryeministrin Edi Rama në Facebook edhe për të prodhuar humor. 

Objekt i komenteve është bërë xhupi i kryeministrin me stampën e Juventusit, ndërsa në atë moment luhej kryendeshja e Seria A, Juventus-Roma. 

Rama pyet një komentues se sa ishte rezultati i kësaj ndeshje, pasi nuk kishte mundësi ta shihte se ishte në lëvizje. Por, jo pa qëllim komentuesi i përgjigjet se rezultatin e ndeshjes e di më mirë Arben Ristani, ish-kryetari i Komisionit Qendror të Zgjedhjeve. 

“Pyet Arben Ristanin se ta thotë ai pa mbaruar ndeshja”, shkruan komentuesi, ndërsa Rama i përgjigjet dhe e pyet me ironi: “Ku punon ky?”.

Ndërsa më pas, është sërish kryeministri që shkruan se Ristani se ai që dehet në pikë të mëngjesit për t'i dhënë zemër partisë. 

“A është ai që sakrifikon që në pikë të mëngjesit duke u bërë tapë për t’i dhënë zemër partisë”, shkruan Rama. 

Komentuesit vijojnë më tej batutat, derisa njëri prej tyre shkruan se Ristani po nuk piu s'e gjen dot sallën e Kuvendit, koment i cili është shoqëruar me të qeshura nga kryeministri. 

Arben Ristani, kryetari i Komisionit Qendror të Zgjedhjeve në 2011-ën kur u mbajtën zgjedhjet vendore, vendosi hapjen e kutive të votimit me argumentin se votat ishin hedhur në kutitë e gabuara. Ky vendim i Ristanit i mohoi Edi Ramës fitoren e mandatit të katërt në krye të bashkisë së Tiranës. 


(Komentet në Facebook-un e Ramës)

Redaksia Online
l.q/Shqiptarja.com