Kryeministri Edi Rama ka deklaruar se brenda muajit maj do të nisë puna për ndërtimin e Rrugës së Arbrit. Kreu i qeverisë tha se brenda këtij muaji çelet kantieri i kësaj rruge mjaft të rëndësishme, ku do të fillojë puna dhe nuk do të ndalet deri në përfundimin total të saj.
Ai e bëri kët deklaratë nga Lezha, ku ndodhet në turin e llogaridhënies publike të qeverisjes, ndërsa renditi dhe disa nga investimet e qeverisë për Qarkun e Lezhës, duke u ndalur kryesisht te agroturizmi.
Brenda majit do të çelim kantierin e Rrugës së Arbrit dhe do të fillojë e nuk do të ndalet më puna deri sa të përfundojë përfundimisht. Ky aks do ta bëjë Dibrën zonë të integruar me kryeqytetin dhe do të çelë potencial shumë të madh për të gjithë atë krah, që lidh Tiranën me Dibrën dhe ka bukuri përrallore të paprekura dhe që shumëkush nuk i ka parë dot për shkak të mungesës së rrugës.
Kryeministri Edi Rama
Më tej, kryeministri Edi Rama ka zbuluar projektet e qeverisë për Qarkun e Lezhës, teksa vuri theksin te agroturizmi. Shefi i ekzekutivit iu bëri thirrje qytetarëve dhe bizneseve të zhvillojnë më shumë agroturizmin, duke shtuar se ditët në vijim qeveria do të miratojë një paketë të veçantë mbështetjeje, duke krijuar lehtësira të ndjeshme fiskale për agroturizmin.
Ditë në vijim do miratojmë një paketë të veçantë mbështetjeje, duke krijuar lehtësira të ndjeshme fiskale për agroturizmin, duke nxitur investimet në turizëm me garancinë që kontributet në sistemin e taksave do të jenë sh më të ulëta se sa janë sot. Agroturizmi është potencial i madh për zonat ku duket sikur bujqësia apo zhvillimi i fermave dhe blegtorisë në funksion të tregut mbetet sfidë e vështirë, po ku natyra është e mrekullueshme. Agroturizmi është instrument shumë efikas, si një mënyrë jo vetëm për të dal nga varfëria, por edhe për të bërë një biznes fitimprurës. Përmes kësaj pakete mbështetjeje, ku do kemi ulje të TVSH, si për hotelet me 4 e 5 yje, me 6%, t’i japim mundësi fantazisë dhe vullnetit të sipërmarrësve për të krijuar modelet e para. Mjafton të kesh një banesë në një natyrë të bukur, të ngresh një mikrofermë në funksion të agroturizmit, për të krijuar një biznes shumë fitimprurës.
Kemi marrë edhe vendimin për listën e 100 fshatrave, që do të mbështeten me prioritet. Janë 5 prej tyre në këtë qark, që janë pjesë e kësaj liste. Kemi 31 investime të nisura këtu, që janë në punë e sipër. Pas mbledhjes së qeverisë dhe pasi dëgjuam biznesin, si dhe pas presionit të deputetëve Pjerini e Nikolla, kemi bërë projektin për rrugën 3 km dhe është çështje vendimmarrje, ku do vendosim nëse do ta fillojmë punën menjëherë apo ta lëmë pas sezonit, pasi është rrugë super e ngarkuar gjatë sezonit.
Projekti i autostradës Milot-Balldren, që do i japë fund një historie të pabesueshme, ku rruga nacionale kalon te një kthesë qorre. Rruga Shëngjin-Velipojë, një aks shumë prioritar, pasi hap një hapësirë të re me potencial të jashtëzakonshëm për zhvillimin e turizmit, krijon lidhje të shpejtë mes krahinave dhe jep akses të shpejtë dhe të bukur për gjithë pjesën e turistëve matanë kufirit. Ka turistë nga Mali i Zi që janë të dëshiruar të kalojnë pushimet në vendin tonë. Këto janë projekte me rëndësi.
Kryeministri Edi Rama
Nga ana e tij, Drejtori Ekzekutiv i Fondit Shqiptar të Zhvillimit, Benet Beci, e konsideroi Lezhën si embrion të zhvillimit të vendit, ç’ka sipas tij do të përmirësojë mirëqenien tonë dhe rajonit.
Sipas tij, Lezhë është një qytet i aksesueshëm lehtësisht dhe bregdeti i Shëngjinit, ofron tërheqjen e turistëve jo vetëm vendas por edhe të huaj.
Lezha ka një bregdet 38 km të gjatë që përfaqëson një aset të vyer. Gjithashtu Lezha ka 25 monumente të njohura të historike dhe zotëron potencial të madh të pashfrytëzuar më parë. Ekonomia do të zhvillohet nëse e shohim si pjesë e zhvillimit rajonal”, tha Beci.
Benet Beci, Drejtor Ekzekutiv i Fondit Shqiptar të Zhvillimit
Kryeministri Edi Rama iu ka premtuar të gjithë lezhjanëve se do t’iu plotësojë një boshllëk të madh dhe të papranueshëm, që është pikërisht ripërtëritja e plotë e memorialit të Skënderbeut.
Nga Lezha, aty ku zhvilloi turin për llogaridhënien publike të qeverisjes, kreu i qeverisë deklaroi se të kryhen një sërë investimesh në këtë qark, me synimin që të arrihet rritja ekonomike mbi 5%, deri sa të ndjehet në çdo familje.
Do të vazhdojmë të rindërtojmë gjatë këtij viti rreth 60 shkolla dhe po ashtu do mbështesim projektet e bashkive për programin e ‘Rilindjes Urbane’. Në këtë zonë kemi kryer punime jetike të pastrimit të kanaleve të bllokuara prej çerekshekulli dhe janë rreth 15 km Drin që janë pastruar dhe janë kthyer nga një tapë që përmbyste dynjanë, në një aks që ke kënaqësinë ta shikosh. Shumë gjëra janë bërë dhe po vazhdojnë të bëhen. Me këto investime që folëm sot do të kemi një rritje të rëndësishme ekonomike. E kemi thënë gjatë fushatës se duam të shkojmë mbi 5%, pasi pas kësaj rritja ekonomike ndjehet në çdo familje.
Me ndërhyrjen për ripërtëritjen e plotë të memorialit të Skënderbeut do të plotësojmë një boshllëk, që është i papranueshëm dhe do t’i japim një tjetër atencion të rëndësishëm turistik qytetit, ku këtë vit pritet numri më i madh i turistëve në gjithë Shqipërinë. Janë 10 linja të reja fluturimesh që deri vjet nuk ishin të reja për Shqipërinë, pikërisht se ka një numër t madh turistësh. Kjo do të sjellë më shumë punësim, ekonomi dhe kontribut në forcimin e ekonomisë.Kryeministri Edi Rama
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
Po porti 5 miliard dollare ku eshte ne Kavaje ku eshte o mashtruesa
PërgjigjuDuam punë jo lloqe kavaje o ram se u ngopëm me premtime.
PërgjigjuShqiptarve nuk po ju intereson fare rruga,por shpetimi nga aristokracia juaj e modelit turko-arabe ksenofob anti shqiptarve.
Përgjigju