POP 5

Lajmet më të lexuara të 5 minutave të fundit

Politikë

Rama dhe Basha harrojnë 
pushimet, replika në internet

Ndonëse janë me pushime, Kryeministri Rama dhe kryetari i Partisë Demokratike Lulzim Basha kanë vijuar edhe dje akuzat virtuale ndërmjet tyre.
Rama dhe Basha harrojnë <br />pushimet, replika në internet
TIRANE - Ndonëse janë me pushime, Kryeministri Rama dhe kryetari i Partisë Demokratike Lulzim Basha kanë vijuar edhe dje akuzat virtuale ndërmjet tyre. Fillimisht Partia Demokratike nëpërmjet koordinatores për mediat, Silvi Bardhi akuzoi Drejtorin e Përgjithshëm të Policisë së Shtetit se krimi është shtrirë në të gjithë vendin, gjë e cila më pas u pasua nga reagimet e dy krerëve të partive më të mëdha në vend. Fillimisht kryeministri Edi Rama akuzoi PD-së me shprehjen që ka përdorur më së shumti këto kohë “Vajmedet PD”, e cila më pas solli edhe reagimin e kreut të demokratëve Lulzim Basha ku nëpërmjet një postimi në faqen e tij në “facebook” theksoi se: “Kur gishti tregon hënën, budallai tregon gishtin”

Rama-Basha
Sipas kryeministrit Rama, deklaratat e PD-së ndaj situatës së krimit në vend dhe akuzat ndaj Policisë së Shtetit janë vetë mbështetje morale për kriminelët. Këtë gjë ai e theksoi nëpërmjet një postimi në faqen e tij në “Twitter”.

 “Sulmet e vazhdueshme plot shpifje e ofendime të SHQUP-it ndaj Policisë së Shtetit mbështetje morale për krimin e për rrugaçërinë. Vajmedet PD”,- theksoi kreu i ekzekutimit. Por pak çaste më vonë, kryetari i PD-së i doli në mbrojtje deklaratës së bërë nga Partia e tij, ndonëse aktualisht është me pushime verore. Sipas tij, krimi dhe kryeministri Rama janë bërë një dhe bëjnë pazare me favore të ndërsjellta. “Krimi dhe rrugaçët janë e pinë në një tavolinë me kryeministrin, ndajnë favore dhe shtetin si plaçkë lufte me kryeministrin, janë futur në polici, administratë dhe Kuvend për hesap të kryeministrit dhe bëjnë karshillëk ligjit, policisë dhe me raste edhe ortaku kryeministër. Kur gishti tregon hënë budallai tregon gishtin”,- theksoi Basha në postimin e tij në rrjetin social “facebook”.

Që prej tri ditësh kryeministri Rama dhe kryetari i PD-së, Lulzim Basha kanë vijuar akuzat e tyre të ndërsjellta në rrjetet sociale duke thyer në këtë mënyrë rutinën e përditshme të pushimeve. Shkak për këtë kanë qenë reagimet e kreut të ekzekutivit për disa çështje ku kulmi i debatit ishte me kthimin e ligjit për Shkollën e Magjistraturës nga ana e presidentit të vendit Bujar Nishani.


Shkrimi u botua në Shqiptarja.com (print) në 14 Gusht 2014

Redaksia Online
(d.a/shqiptarja.com)  
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

'TikTok paraqitet në Kinë si platformë edukative, në perëndim si 'labirint qenërie'', Rama: Asgjë nuk e zëvendëson ndërveprimin njerëzor në mbrojtjen e fëmijës

'TikTok paraqitet në Kinë si platformë edukative, në perëndim si 'labirint qenërie'', Rama: Asgjë nuk e zëvendëson ndërveprimin njerëzor në mbrojtjen e fëmijës

30 Nëntor, 13:33