POP 5

Lajmet më të lexuara të 5 minutave të fundit

Politikë

Rama: Ekonomia gropë thithëse
shifrat e manipuluara

Kryetari Rama ia kushtoi analizës së të ardhurave fiskale mbledhjen e sotme të grupit PS. “Është më shumë se një krizë ciklike. Ekonomia reale është në një gropë thithëse që tërheq gjithmonë e më shumë. ”- tha Rama.
Rama: Ekonomia gropë thithëse<br />shifrat e manipuluara
TIRANE - Në mbledhjen e radhës të grupit parlamentar të PS-së, fjala e kryesocialistit Edi Rama u përqëndrua tek ekonomia, përmes analizimit të të dhënave fiskale, që sipas tij, janë pasqyrë e shterimit të modelit ekonomik që është aplikuar në vend gjatë viteve të fundit. Përmes shpjegimit të një grafiku ku ishin renditur të dhënat fiskale për koorporatat, individët e biznesin e vogël, Rama tha se ekonomia është në një periudhë rrënimi të vazhdueshëm, ndërsa bizneset e vogla janë në gjendje kolapsi. Për Ramën, “pretendimi se futja e taksës së sheshtë e ka bërë transparent dhe më të efektshëm administrimin nuk qëndron dhe se një pjese e ekonomisë është zhytur në informalitet”

“Është më shumë se një krizë ciklike. Eshtë pasqyra e shterrimit të modelit ekonomik të zhvillimit që përkon me dallgët e një krize ekonomike. Ekonomia reale është në një gropë thithëse që tërheq gjithmonë e më shumë. ”- tha Rama.

Kreu socialist akuzoi qeverinë për shifra të manipuluara që tregojnë rritjen ekonomike dhe nëpërmjet grafikave të të ardhurave vërtetoi se edhe fitimet e koorporatave në 2012 kanë qenë më të ulëta se çdo vit tjetër.

"Shifrat tregojnë se jemi në një periudhë të rrënuar të ekonomisë reale. Kjo është më shumë se një recesion, kjo është pasqyra e një modeli ekonomik zhvillimi. Minimalisht është e dosmosdoshme që të ndërmerret ai hap që ne e kemi kërkuar prej kohësh që të hiqet taksa e biznesit të vogël sepse çdo muaj që kalon përkon me një rrënim që për shumë biznese të vogla do të jetë një rrënim i pakthyeshëm. Nëse llogarisim rënien e xhiros kombinuar me rritjen e borxheve apo të numrit të njerëzve në librat e veresijeve jemi në kushtet ku ekonomia reale është në një gropë thithëse që e tërheq edhe më shumë."- tha Rama.

Rama bëri thirrje për frenim të rrënimit ekonomik, i cili sipas tij nis në zgjedhjet e 23 qershorit.

Redaksia online
(sg/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

'Daily Express': Shqipëria, vendi i vogël evropian më i bukur se Greqia dhe Kroacia

'Daily Express': Shqipëria, vendi i vogël evropian më i bukur se Greqia dhe Kroacia

27 Nëntor, 07:33