POP 5

Lajmet më të lexuara të 5 minutave të fundit

Politikë

Rama fton Bashën: Bisedojmë sy
më sy për reformën territoriale

Kryeministri Edi Rama i ka dërguar një letër kreut të Partisë Demokratike, duke e ftuar opozitën të marrë pjesë në komisionin për reformën territoriale. Duke vënë theksin në rëndësinë e realizimit të kësaj reforme, kreu i qeverisë në letrën drejtuar Bashës shkruan se për miratimin e reformës kërkohet konsensus dhe përfshirje e gjitha palëve, edhe pse mazhoranca i ka 84 vota. VIDEO
Rama fton Bashën: Bisedojmë sy<br />më sy për reformën territoriale
TIRANE- Rama e mban fjalën për të bërë atë që kryeministri i kaluar Sali Berisha nuk ia kishte ofruar për tetë vite në opozitë, komunikim të vazhdueshëm me liderin e PD-së tashmë në opozitë, Lulzim Basha.

Reforma tepër e rëndësishme, e kërkuar nga ndërkombëtarët dhe megjithëse i ka votat më se të mjaftueshme për ta realizuar, për Ramën do të realizohet me konsensusin e plotë të opozitës, të cilin kërkon ta marrë përmes një takimi “sy më sy” me kreun e PD-së, siç e përcakton ai.

Kështu, kryeministri Edi Rama shpreh gatishmërinë për t’u takuar me kryetarin e Partisë Demokratike, Lulzim Basha, në lidhje me reformën territoriale.

“Komisioni parlamentar i siguron opozitës të drejta të njëjta me ato të shumicës nga fillimi në fund të procesit. Kështu besoj se jo vetëm kaq por edhe fakti se e presim tanimë prej kohësh opozitën të vijë në komision, dëshmon qartë vullnetin tonë për të nisur dhe bitisur së bashku këtë proces edhe pse disponojmë 84 votat e nevojshme për miratimin e reformës territoriale. Për të gjithë sa më lart vendosa të bëj edhe këtë përpjekje të drejtpërdrejtë në adresën tuaj duke ju ftuar ta nisim pa humbur kohë bashkërisht shumicë dhe opozitë punën në komision për këtë reformë me interes të posaçëm e strategjik për vendin”, shkruan Rama në letrën që mban datën 21 mars.
 
Në këtë letër kreu i qeverisë shpreh gatishmërinë për ta takuar personalisht, në rast se kreu i PD-së kërkon të ndajë shqetësimet e tij dhe opozitës lidhur me këtë çështje. Sipas Ramës kjo reformë është konsideruar e domosdoshme edhe nga partnerët e Shqipërisë dhe nga organizatat më të rëndësishme ndërkombëtare.
 
Por kryetari i Partisë Demokratike, Lulzim Basha, i pyetur nga “A1 Report” nëse do ta pranojë ftesën e kryeministrit Edi Rama nuk ka dhënë asnjë përgjigje.
letra
letra e rames
(Foto/Letra e kryeministrit Rama drejtuar kreut të PD për reformën territoriale)

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEO/ Armando Broja luan 70 minuta me Everton, futet në fushë dhe bën protagonistin

VIDEO/ Armando Broja luan 70 minuta me Everton, futet në fushë dhe bën protagonistin

29 Nëntor, 18:19