Kryeministri Edi Rama ishte sot në Bubq, të Krujës, ku ka përfunduar infrastruktura nëntokësore e lagjes së re qendrore të njësisë. Ai thotë se javën tjetër nis puna për shtëpitë e më pas pallatet e ulëta që do të sistemojnë në total rreth 150 familje.
Ndërkohë, në këtë zonë ka nisur puna për shkollën e për kopshtin dhe do të vazhdojë edhe me qendrën shëndetësore e me godinën e re të njësisë. Kryeministri shprehu bindjen se “thuajse të gjitha shtëpitë do të jenë në pranverë të mbaruara”.
“Në prill-maj me ndonjë vonesë tek-tuk, por në prill-maj këtu do të jetë pjesa e mbyllur. Shtëpitë edhe shkollat, të paktën ato që janë me financime të buxhetit të shtetit. Pastaj donatorët mendoj se do të mund të zgjaten pak më shumë, se ata i kanë procedurat pak ndryshe”, tha Rama.
Ndërkohë, kryeministri theksoi se “deri në mars të gjitha kantieret e e pallateve do të jenë ngritur”.
“Kruja bën përjashtim. Krujën e kam pak shqetësim për shkak se na u desh ta ndryshonim për arsye të terrenit, se ka tjetër specifikë”, tha Rama. Ministri i Shtetit për Rindërtimin, Arben Ahmetaj informoi se këtu kemi një kombinim mes ndërtimit të njësive administrative të komunës dhe një zonë për njësitë individuale dhe një zonë tjetër për ato kolektivet. “Do të jenë 76 njësi individuale dhe 46 apartamente, në një zonë gati 8.3 ha e gjitha, ku përfshihen edhe ambientet komunitare. Po ashtu do të mbillen pemë në të gjithë territorin”, tha Ahmetaj.
Në këtë zonë sapo kanë filluar punimet e shkollës, në të cilën mësojnë 360 nxënës. Shkolla ka 14 klasa, 5 ambiente laboratorike dhe një palestër moderne. Ministri Ahmetaj theksoi se “kjo shkollë mbaron në fund të shkurtit dhe është pjesë e lotit të fundit të shkollave”.
“Me infrastrukturën këtu po ecet me shumë shpejtësi dhe shumë shpejt do të fillohet pastaj me kombinimet e banesave kolektive dhe banesave individuale. Pallatet janë 4-katëshe dhe për 2-3 ditë fillojnë edhe banesat individuale. Vetëm me Kamzën kemi për të përfunduar procesin se në të gjitha zonat e tjera kanë përfunduar proceset dhe janë në fazën e ndërtimit, infrastrukturë plus ndërtimi i banesave kolektive dhe banesave individuale. Në Kamzë në krye të disa ditëve mbaron si proces”, tha Ahmetaj.
Ndërkohë, ministri Ahmetaj tha se “në krye të 2 muajve do ta kemi shumë të qartë se si do të jetë e gjithë zona”. Në Bubq kanë përfunduar shpronësimet dhe tani kantieri është i hapur në të gjitha drejtimet. Ahmetaj siguroi se qytetarët nuk humbasin asnjë metër katror, por marrin ato metra katror që iu shpronësohen. Po ashtu ai tha se “në maj 2021 për shtëpitë individuale, për ato që është e pamundur gjeologjikisht dhe gjeografikisht të ndërtohen, banorëve do t’u jepet vlera e plotë e ndërtimit të shtëpisë”.
“Besoj se do të kemi mbaruar me mungesa fare fare të vogla dhe gjithë pallatet do të jenë me themele për të 11 bashkitë. 59 shkolla që financohen nga buxheti i shtetit do të jenë të mbaruara dhe në proces do të jenë gati 80% e shkollave që ndërtohen nga donatorët”, tha ministri Ahmetaj.
Më herët kryeministri Rama ishte në Durrës ku inspektoi punimet në shkollën "Vëllezërit Haradinaj”, e cila është një nga 3 shkollat e ndërtura pas tërmetit para datës 26 nëntor dhe ka hapur dyert për 530 nxënësit që marrin dijet e tyre atje.
Gjithashtu ai ishte dhe në Kamzë ku inspektoi dhe punimet në kopshtin “Niko Hoxha” që pritet të hap dyert për 200 fëmijë, në qendër të lagjes së re ku do të ndërtohet edhe shkolla, qendra shëndetësore, plus pallatet me 270 apartamente për familjet e prekura nga tërmeti.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
‘Unë mund të vdes! Djalin e kam me epilepsi’, thirrja e të moshuarit në Lezhë që ka mbetur në kasolle 5 vite pas tërmetit
26 Nëntor, 17:00
-
5 vite nga tërmeti vendi ende në rindërtim! Janë dorëzuar 11,663 banesa e apartamente, kostoja në buxhet arrin 920 mln euro
26 Nëntor, 16:39
-
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01
Pse nuk përmend që i dhunove pronën pronarve ku po ndërton? Ka mbi një muaj që ka dalë në fletore zyrtare dhe pronarve ju shkatërrove pronën dhe nuk i ke dhënë asnjë lek. Shyqyr që ke tifoza në facebook, se Bubqi e di që toka ku sot shkel si padron nuk e ke shpronësuar dhe as kompesuar.
PërgjigjuÇfarë lesh emrash allaturka ,Bub qi..po Burbuqe ma mirë!..edhe Kroia e t'madhit Gjergj,a ba Kruja..?!
Përgjigju