Deputeti i Partisë Demokratike Belind Këlliçi gjatë fjalimit të tij në protestën e thirrur nga Sali Berisha që po mbahet përpara Kryeministrisë, tha se Shqipëria është e ndarë në dy realitete të ndryshme, në atë të Edi Ramës, ministrave të qeverisë Rama dhe Veliajt që jetojnë në luks, dhe Shqipërinë e qytetarëve të cilët, sipas deputetit, po varfërohen çdo ditë.
Këlliçi tha se në këtë ditë që po zhvillohet protesta ku janë mbledhur mijëra demokratë e protestues, kryeministri Rama është larguar në Vlorë, për të mos u përballuar me popullin që drejton. Për Këlliçin, Rama duhet të ishte atje për të dëgjuar shqetësimet e qytetarëve.
“Rama Ik, ta dëgjojë Rama deri në Vlorë. Ju vini në Tiranë, ai ia mbath vetëm për të mos ju parë se i dhëmbin sytë kur ju sheh në shesh. Iku dhe mori edhe kërpudhën me vete. Një lider duhet të qëndronte dhe të dëgjonte hallet e qytetarëve të tyre, por ai ia mbathi se i tillë është.
Shqipëria jonë është në rrezik, po asfiksohet, po meket çdo ditë. Rilindja vrau Shqipërinë e shqiptarëve. Shqipëria e Ramës, e Ballukut, e Agaçit, e Çuçit, e Veliaj, vjen aromë parfumi të shtrenjtë francez, ka konfortin e vilave të luksit në bregdet, rehatinë e makinave që kushtojnë qindra mijëra euro, adrenalinën e udhëtimeve të klasit të parë. Por ky vend i qeveritarëve më të korruptuar të vendit sipas çdo raporti ndërkombëtar, nuk u krijua falë talentit të tyre. Kjo botë e tyre erdhi në jetë mbi Shqipërinë e shumicës së Shqiptarëve, duke i marrë pasurinë. Kjo bandë është pronarja e inceneratorëve, Rama dhe Veliaj, investitorët strategjikë, ndërtuesit e kullave, shkatërruan kulturën, bënë teatrin gropë, dhanë Butrintin, larguan mjekët e të rinjtë. Nuk ka komitet ekspertësh dhe as bord çmimesh, janë këta të dy që e kanë blerë PS-në me paratë e lejeve të ndërtimit dhe po e mbajnë me paratë e inceneratorëve.
Shqipëria ka shijen e braktisjes, vetmisë se ikin specialistë, Shqipëria e vërtetë ka aromën e varfërisë pasi pagat e ulëta, pensionet e ulëta, nuk dalin as për të blerë ushqimet pas rritjes së çmimeve. Shqipëria ka pamjen e mundit të fermerëve që hedhin prodhimin se nuk kanë ku e shesin, Shqipëria e shumicën ka pamundësinë për të mbyllur muajin, për të shlyer kredinë, për të mbushur makinën me naftë, për të paguar ujin, dritat, internetin apo tarifën e Universitetit. Shqipëria që do Edi Rama janë ata ministra, ish-ministra janë ata që kanë qasje në 30 milionë dollarët që figurojnë në llogarinë e 90-vjeçares në azil, e cila nuk di asgjë”, u shpreh Këlliçi.
Lajmi kryesor:
Berisha mesazh Ramës nga protesta: Jemi armiq, kur të themi mbathja, duhet t’ja mbathësh! Ne shpojmë çdo blind, asgjë s’na ndal (Asnjë fjalë për Bashën)
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
