Rama ironizon: Me kaq Frroka
bëjani targën Lezhës “LE FRR”

Nga Fishta në Lezhë, kryeministri Edi Rama deklaroi se premtimet e ‘Republikës së re’ të PD e çojnë vendin në vitin e mbrapshtë 1997, ndërsa Lulzim Basha është në gjumë gjatë gjithë kohës.
 
Rama kërkoi votën e qytetarëve edhe një tjetër mandat, pasi sipas tij në mandatin e parë u hodhën themelet për ndërtimin e shtetit.
 
“Luli zgjohet vetëm kur del në TV se pjesën tjetër është në gjumë. Dëgjova Preç Zogajn kur tha Republika e re do ua bëjë pensionin 250 mijë lekë, me u bë 250 mijë lekë me buxhetin qe kemi sot, për dy muaj është viti 1997, nuk ka më lekë për asnjë gjë.
 
Ja ky është një protagonist i Republikës së re. Kemi bërë një llogari sikur premtimet të realizoheshin, borxhi i Shqipërisë shkon përtej 100% dhe pastaj të marrë malli për Suden dhe Xhaferrin se ata të jepnin ndonjë gjë përpara se të hidhnin në greminë, këta ta bëjnë Shqipërinë rrafsh” tha ai.
 
Gjatë takimit Rama nuk ka kursyer edhe batutat. “Se pashë prapë një Frrok tek lista e PD, tani një Frrok në bashki, një Frrok në Parlament, tani duhet të vijë edhe një Frrok prefekt dhe ta mbyllim këtë cikël dhe bëjeni targën e Lezhës ‘LE FRR’, se këtu i bie që nuk ka njeri tjetër, këtu është “LE FRR” ironizoi ai.


dy.b/shqiptarja.com