Mbledhja e djeshme e Këshillit të Sigurimit ishte një spektakël diplomatik.
Tashmë OKB-ja më shumë sesa një organizatë mbishtetërore që vendos rregulla loje mbinacionale mbështetur në parimet e humanizmit, është një shumatore korridoresh ku diskutohen interesa dhe merren vendime ku të drejtat e njeriut dhe të kombeve nuk janë në vendin e parë. Është normale.
Nëse dikur ishin dy superfuqi që e kishin ndarë më kampe, sot janë disa të tilla ku vendin e BRSS për nga fuqia gjeopolitike e ka zënë Kina dhe Britania dhe Franca konkurrohen nga Gjermania, Brazili dhe fuqi të tjera emergjente. Organizmat që varen nga OKB, janë kthyer në fushë përplasje interesash. Kriza e Covid e shfaqi më shumë se kurrë.
Si e tillë tashmë OKB më shumë sesa një organizëm mbi palët është një skenë politike për të shfaqur qëndrimet përpara opinionit botëror ca me sukses e ca duke pësuar fiasko. E ka përdorur Fidel Kastro, e ka përdorur Nikita Hrushov, Xhon Kenedi, Jaser Arafat, një mori udhëheqësish afrikanë dhe arabë të cilët mbahen mend pikërisht për këto ndërhyrje dhe spektakle. Një rast i tillë ishte dje.
Dje u zhvillua seanca e këshillit të sigurimit ku amerikanët kërkonin të vinin në cep të ringut Rusinë për agresionin e saj në Ukrainë. Rusët donin që këtë sesion ta minimizonin, ndaj dhe përfaqësuesi rus u përpoq ta vendoste në shina teknike.
Mirëpo Rama ishte në fushën e tij, atë të përplasjes publike, batutës dhe spektaklit duke e masakruar diplomatin rus që me siguri priste një përplasje ndoshta me Zelenskin ose Blinken, por jo të ndodhej nën breshërinë e batutave dhe sulmin e kryetarit të seancës. Si rrjedhim ai doli knock out që në fillim të ndeshjes dhe i mbeti fusha e lirë Zelenskit dhe Blinken.
Dje amerikanët prisnin një demaskim të rusëve nga goja e Zelenskit dhe Blinken, por Rama i tejkaloi dhe i dha publikut atë që kërkonte: Bashkë me demaskimin edhe spektaklin, duke e rritur audiencën e një mbledhjeje që në shumicën dërmuese të rasteve e shikojnë vetëm diplomatët.
Jo më kot thonë italianët që “Gjithë bota është fshat”, dhe ky fshati i madh rrumbullak që quhet Tokë, vdes të shikojë spektakle të cilin Rama ua dha dje duke sensibilizuar edhe një herë botën për masakrën që po ndodh në Ukrainë. Ishte ajo që amerikanët kërkonin dhe që Rama ua dha përtej pritshmërisë së tyre.
Lajme të tjera
-
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
