Rama kritika BE-së: Vendim i gabuar që Ballkanit t'i jepet teprica e vaksinës antiCOVID, asnjë vend nuk ka sasinë e duhur (VIDEO)

Kryeministri Edi Rama tha se në lidhje me vaksinën anticovid nuk ka një datë fikse por që ajo do të nis në dy muajt  e parë të 2021. Rama kritikoi BE në lidhje me vendim për të shpërndarë për vendet e Ballkanit Perëndimor vetëm tepricat e vaksinave, ne një kohë kur asnjë shtete nuk po merr sasinë që i nevojitet. Rama tha se vendi është në diskutim me kompanitë që kanë prodhuar Pfizer, Moderna dhe AstraZeneca, por edhe me disa shtete mike që Shqipëria të mos mbetet pas me marrjen e saj.  

"Ne jemi çdo ditë në punë për vaksinën, shifrat e vaksinave që po marrin vendet e mëdha krahasuar me pritshmërinë e tyre janë më të ulëta, nuk po i thonë ende. Ende nuk është bërë transparente pasi është shumë e lartë kërkesa dhe nevoja dhe shifrat janë ku e ku më  e vogël. Ky është një problem në fazën e parë se pse kompanitë po shtojnë sasinë e prodhimit. SHBA ka vendosur të ndalë eksportin e çdo sasie vaksinash jashtë saj. Ky është një tjetër problem. E treta jemi në komunikim me kompanitë Pfizer, Moderna dhe AstraZeneca  por jemi në komunikim dhe me shtete mike. Be ka marrë një vendim goxha për të ardhur keq, që për vendet  e Ballkanit Perëndimor do të jepen tepricat, këtu nuk ka teprica fatkeqësisht dhe ka një problem të madh pasi çdo vend ka shumë më pak nga sa kërkohet.  Mund të them në dy muajt e parë të 2021 do të nis vaksinimi. Mund të them se  edhe për vaksinë fatkeqësitë po punohet me miqësi, kontakte, diplomaci dhe është kthyer në një luftë të madhe pas kuintave ku të gjitha shtete i ngjajnë radhës së qumështit të dikurshme. Rrini të qetë se kur është puna për të bërë lypsin dimë ta bëjmë më mirë se kushdo, tha Rama.

Lajmi kryesor:

Rama: Pas Kosovës hapim kantierin e ndërtimit për linjën e interkonjeksionit me Maqedoninë e Veriut! Skavica do e kthejë vendin në fuqi eksportuese energjie (VIDEO)

/b.ha./Shqiptarja.com

TAG:
• edi rama
• energjia elektrike
• belinda balluku
• interkonjeksioni
• Vaksina Covid
• Skavica