Rama: Ligj për mbrojtjen e fëmijëve që kanë humbur prindërit në detyrë dhe shërbim të vendit

Kryeministri Edi Rama tha se sapo të krijohet shumica e re pas zgjedhjeve të 25 prillit do të kalojë ligjin për fëmijë e Republikës që kanë humbur prindërit në krye të detyrës apo gjatë një shërbimi të madh që i kanë bërë të tjerëve. Rama tha se shteti do të vendoset në rolin e një prindi që nuk do i harrojnë këto fëmijë pas ceremonisë së funeralit, por do kujdeset për shkollimin dhe edukimin e tyre deri sa të dalin në jetë.

"Ligji i parë që dl të kalojë shumica pas 25 prillit, i cili do të jetë ligji i fëmijëve të Republikës, të gjithë ata që kanë humbur prindin për shkak të detyrës apo të një shërbimi të madh ndaj të tjerëve. Ne kemi bërë sa kemi mundur për fëmijët e policëve të vrarë në krye të detyrës, të ushtarakëve, por është koha që këtyre fëmijëve t'i japim një status të veçantë çdo shumicë qeverisëse ta ngarkojmë me barrën e prindit për këto fëmijë, për të cilët duhet të kujdesemi nga momenti i parë deri në momentin kur dalin në jetë për t'u dhënë të gjitha mundësitë të edukimit, shkollimit dhe një jete ku ata të jenë krenar për prindin e tyre. Jo thjeshtë për gjestin, por të jenë krenar se prindi i tyre humbi jetën për një republikë që ja vlen për sakrificën e kujtdo. Një shoqëri e cila nuk harron të nesërmen e ceremonisë funerale dhe lerë pastaj të kujtohet për të dhënë dekorata pas vdekjes që si duhen as dreqit", tha Rama.

Lajmi kryesor:

Rama: Meta e Saliu nxisin përplasje për fushatën, duan ndasi! Luajnë me trurin e njerëzve me historinë e patronazhistëve, por ne s'ndjekim qytetarët, por Ilirin

/r.k./Shqiptarja.com

TAG:
• edi rama
• Tirane
• fushata elektorale
• zgjedhjet parlamentare 2021
• patronazhiste
• sulmi me arme ne zyren e PD