POP 5

Lajmet më të lexuara të 5 minutave të fundit

Politikë

Rama: Mësuesit me rezultate
të larta bonuse në pagë

Kryeministri Edi Rama në bashkëbisedimin e zhvilluar me mësues të arsimit parauniversitar, organizuar në kuadër të Festës së 7 marsit tha se prioritet do ketë realizimi i premtimit për një taksim të ndershëm.
Rama: Mësuesit me rezultate<br />të larta bonuse në pagë
TIRANE- Kryeministri Edi Rama në bashkëbisedimin e zhvilluar me mësues të arsimit parauniversitar, organizuar në kuadër të Festës së 7 marsit tha se prioritet do ketë realizimi i premtimit për një taksim të ndershëm. “Qeveria mbajti premtimin ndaj arsimtarëve duke vënë një taksim të ndershëm, i reflektuar drejtpërsëdrejti në pagën tuaj”, deklaroi Rama. Teksa u shpreh se reforma në arsim është në fillimet e saj e kërkon kohën e vet që të ngrihet në standardet e duhura. Kryeministri kujtoi se e gjeti këtë sektor, ashtu si shumë të tjerë tejet të rënduar nga keqqeverisja, niveli shumë i lartë i borxhit, degradimi i formulës së altertekstit që solli për rrjedhojë dhe degradimin e raporit mësues-nxënës.

“Këtë vit kemi një rritje reale të pagës për afër 40 mijë punonjës të arsimit e sportit, si dhe mundësi reale të indeksimit. Falë taksimit të ndershëm në këtë 7 mars të parë mësuesit përfitojnë nga 20-29 mijë lekë”, tha Rama. Kreu i qeverisë garantoi mësuesit se marrëveshja e arritur mes Qeverisë shqiptare dhe FMN nuk do të ketë asnjë ndikim në pagat e tyre. “Dy muajt e parë janë shumë pozitive pasi kemi kaluar të gjitha parashikimet në dialogun me FMN e s’do ketë një bllokim të rrogave tuaja. S’do reshtim asnjë vit pa pasur në qendër të vëmendjes mësuesit e pa rritur fuqinë ekonomike të familjeve tuaja, nëpërmjet mbështetjes financiare për mësuesit”, tha Rama.

Sipas tij, nga 2015 do çojnë arsimin e edukimit fizik në një stad më të lartë. “Do ketë një tjetër mënyrë për seleksionimin e mësuesve të edukimit fizik”, tha Rama. I pyetur për cilësinë e mësuesve, Kryeministri tha se do ketë një vlerësim të ndryshëm për mësuesit që kanë rezultate të larta, për të cilët “do ketë bonuse në pagë”. “Do të normalizojmë procesin e rekrutimit dhe të vlerësimit të mësuesve e shkollave, pasi si mësuesit dhe shkollat do kenë vlerësimin për performancën e tyre në mënyrë që dhe prindërit ta dinë se ku po e çojnë fëmijën, jo vetëm nga emri. Do normalizojmë maturën shtetërore dhe ka nisur procesi i reformës”, tha Rama.

Ai kishte shqetësim prurjet e reja në sistemin arsimor, ku kërkoi kujdes të veçantë. “Në lidhje me eksperiencën dhe prurjet e reja duhet të jemi shumë të vëmendshëm për cilësinë, pasi është e dyshimtë për shkak të masterave diplomave jo në nivelin e kërkuar. Të mos lejojmë që burimet njerëzore të cënohen nga lëvizje të paarsyeshme. Të kemi vlerësime specifike për mësuesit që kanë rezultate më të larta, të ketë dhe një bonus specifik”, tha Rama. Në këtë kuadër, ai tha se prioritet në mësimdhënie, do kenë mësuesit me eksperiencën më të gjatë në këtë sistem.

Për sigurinë në shkolla, Rama tha se policia është duke u kthyer në krye të detyrës, por duhet të bashkëpunojmë të gjithë. Ndërkohë shkolla do jetë sipas tij e depolitizuar. Ndërsa ka nënvizuar që shkolla do kthehet në një mjedis komunitar, ai tha se arsimi profesional do jetë ai që do sjellë zhvillim të vendit, duke premtuar mbështetje financiare për nxënësit që studiojnë degët e lëna pas dore. Ai tha se “universitetet shtetërore e private aktualisht janë një piramidë, ku ka dhe inflacion masterash e doktoraturash e diploma si letra pa vlerë.
 
Shkrimi u publikua sot (07.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

29 Nëntor, 15:28 nga Eliza Gjediku