Rama me fasonët në Tiranë:
Premtimet do të mbahen

 TIRANE- Pas takimeve me bisnesin fason në disa rethe , kryeministri Edi Rama, është ndalur në Tiranë , ku ka vizituar nga afër këto bisnese. Kryeministri u rikthyer në një nga  fabrikat fason në kryeqytet ku ka qenë në 18 mars të vitit 2013, si kryetar i opozitës,  periudhë që Rama angazhua për lehtësira për të gjithë industrinë fason në vend. Pas reth një viti  bashku me Ministrin e Zhvillimit Ekonomik dhe Sipërmarrjes Arben Ahmetaj, Rama u bëri të ditur drejtuesve të këtij biznesi disa nga masat konkrete që do të merren gjatë javëve që vijnë , për të ndihmuar edhe më shumë këtë sektor të rëndësishëm të ekonomisë .

 “Kemi ardhur dhe më parë këtu. Jemi kthyer, pasi me detyrat që na keni dhënë, 42 pika i ka shënuar Ministri Ahmetaj, ne po përgatisim sintezën, por janë disa masa që janë absolutisht të domosdoshme.
 Së pari, heqja e gjithë taksës së punës për të punësuarit  e rinj, për një periudhë të caktuar kohore. Ulja e nivelit të riskut në doganë për të kaluar nga dy-tre ditë në disa orë dhe për të mbyllur një histori të vështirë. Nuk diskutohet heqja e gjithë barrës së kontrolleve dhe të atyre abuzimeve skandaloze që ju vuajtët deri në fund. Nga ana tjetër TVSH-ja zero për makineritë, për të gjithë listën, jo gjysma-gjysma, siç  ka qenë deri tani, nuk diskutohet,” u shpreh kryeministri Rama.
 
Gjatë takimeve kryeministri theksoi se vazhdon të jetë në rritje edhe interesi i shumë sipërmarrëvse të huaj .
Kryeministri shtoi gjithashtu tha se qeveria do ta mbështesë industrinë fason duke krijuar kushte që të mund të përballohen sipërfaqet me qera, që të mund të përballohet rritja e fuqisë punëtore, pa pasur barrën e sigurimeve për një periudhë të caktuar, Rama tha se Shkollat profesionale, do kthehen në shkollat e fabrikave që të lidhet drejtpërdrejtë me to, duke sjell rritje  të punësimit.

Redaksia Online
(ak/Shqiptarja.com)