POP 5

Lajmet më të lexuara të 5 minutave të fundit

Politikë

Rama: Më vjen keq moj Jozefinë
 si ta kanë katandisur partinë

Shkelja e përjavshme e rregullores së parlamentit, kur deputetët flasim jashtë limiteve kohore për çështje jashtë rendit të ditës në kohën e gabuar, nuk është e vetmja dozë jo serioze e ligjvënësve tanë. 
TIRANE- Shkelja e përjavshme e rregullores së parlamentit, kur deputetët flasim jashtë limiteve kohore për çështje jashtë rendit të ditës në kohën e gabuar, nuk është e vetmja dozë jo serioze e ligjvënësve tanë. Batutat mes palëve, ironitë, fyerjet e deri tek mallkimet janë kthyer në një “ves” i zakonshëm i deputetëve dhe qeveritarëve.

Seanca e djeshme ishte më tipikja, që i përmbante të gjitha bashkë brenda pak orëve. Rregullorja u shkel, kur Sali Berisha, Edi Rama dhe deputetë të të dy palëve, që në nisje të seancës folën për dekriminalizimin dhe raportin e OSBE-së, kur pika e parë e rendit të ditës, ishte dekreti i presidentit për ligjin e arsimit të lartë.

Në zjarr e sipër të diskutimeve disa orëshe, aktorët e mazhorancës dhe opozitës kanë shkëmbyer mes tyre batuta, ironi, madje edhe mallkime, sjellje të cilat ishin larg diskutimeve teknike dhe ligjore të drafteve që në fund u votuan, thuajse pa asnjë vëmendje gjatë diskutimeve disa orëshe. Edi Rama shkëmbeu replika dhe thumboi thuajse të gjithë demokratët dje: Sali Berishën, Edi Palokën, Arben Ristanin dhe Jozefina Topallin.

Ironia për ish-kryeparlamentaren ishte më e spikatura. Pasi debatoi me Ristanin dhe Palokën, Ramës ju desh të përballej me deputetin Strazimiri. Ky i fundit kërkoi që kryeministri të mos zhurmonte kur ai fliste. Por Rama ju përgjigj duke u larguar nga salla, pa harruar të përshëndesë Topallin.

“Në dorë të kujt të ngeli partia moj Jozefinë. Sa mirë e nisët, por në dorë të kujt u bitisët moj Jozefinë... sa keq me vjen ku ta katandisën.” –tha Rama.

Deputeti Strazimiri kërkoi qetësi: “Të zbatohet rregullorja e të kemi qetësi të paktën nga kryeministri kur flasim”. Rama i dha të drejtë: “Ke të drejtë. Po iki unë, se dy intelektualë i përballoj, por tre jo. Ky i treti nuk përballohet”.

Deputeti demokrat, Arben Ristani ka shkuar deri në fazën e mallkimeve, pavarësisht se e parashtroi atë si një histori.

“Dëgjojmë vetëm fjalë të ndyra dhe të shpifura nga ky zotëri. Më vjen në mëndje ka një gjë të bukur te “Klubi i Selanikut”. “Po tu thaftë goja more beu ynë, si nuk the një fjalë të mirë, po qenke vesh gjatë more beu ynë, po qenke turk more beu ynë”. Dhe kjo shprehje shkon shumë mirë me gjithë këtë turme arrogantësh dhe turkoshakësh që ke mbledhur me të cilët do të bësh edhe reforma. E di që janë të paaftë dhe flenë nën miza po shyqyr që e di dhe ti dhe jua thua edhe në sy, po harron që këtë parlament e ke kriminalizuar ti. “Turkoshak dhe veshgjatë, tu thaftë goja që nuk the një fjalë të mirë”,-tha Arben Ristani.

Përplasje pati edhe mes Palokës dhe Ramës. Demokrati e quajti kryeministrin një piktor dështak, teksa Rama ju kundërpërgjigj duke e cilësuar një zhgarravinë.

Shkrimi u botua në Shqiptarja.com (print) në 18 Shtator 2015

Redaksia Online
(d.a/shqiptarja.com)  

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49