Rama merr Shaqirin si mbikqyrës
për marrëdhëniet me NATO
Kryeministri Edi Rama ka emëruar Bahri Shaqirin, ish drejtorin e SHISH në postin e mbikqyrësit të marrëdhënieve me NATO-n.
TIRANE- Kryeministri Edi Rama ka emëruar Bahri Shaqirin, ish drejtorin e SHISH në postin e mbikqyrësit të marrëdhënieve me NATO-n. Një emërim që është bërë ditë më parë nga ana e kreut të qeverisë dhe që tregon rëndësinë që kanë për qeverinë shqiptare marrëdhëniet me Aleancën, teksa në këtë post të rëndësishëm pranë kryeministrit është emëruar një figurë me një starturë të lartë dhe asnjëherë i diskutuar apo përfolur në qarqet politike apo mediatike shqiptare për mungesë korrektese në detyrën e kreut të SHISH, apo dhe pas largimit nga drejtimi në një mënyrë aspak të këndshme më shumë se një vit më parë. Shaqiri, i vlerësuar për punën e tij, dhe sidomos nga ana e partnerëve ndërkombëtarë për bashkëpunimin me shërbimet homologe në funksion të bashkëpunimit dhe plotësimit të detyrimeve si vend aleat në Aleancë por dhe si pjesë përbërëse e koalicionit të madh kundër terrorizmit, që nga fillimi i gushtit të 2012 kur u shkarkua në mënyrë të rrufeshme nga presidenti Bujar Nishani ka preferuar të mos flasë asnjëherë për mediat.
Ai mbetet drejtuesi më misterioz i këtij shërbimi, ndërkohë që ka raportuar gjithmonë sipas ligjit për punën e shërbimit sekret në strukturat përkatëse por dhe ka informuar Kuvendin në komisionet parlamentare sipas ligjit. Pavarsisht se ka drejtuar shërbimin sekret shqiptar që nga fillimi i vitit 2005 e deri më gusht të 2012, askush nuk e ka parë Shaqirin në publik. Ai është ndoshta, njëri ndër njerëzit më misterioz në Shqipëri dhe pas largimit nga drejtimi i SHISH, duke plotësuar dhe kushtin themelor për një pjestar të shërbimit sekret: për të do të flitet pas 10 vitesh nga largimi. Dhe në dy tre raste që është ‘zënë’ nga gazetarët duke dalë nga Kuvendi ku ka informuar për punën e shërbimit, është përgjigjur shkurt me “po” ose “jo”. Një “kryespiun” tipik por jo i dalë nga shkolla e shërbimeve sekrete.
Madje emërimi i tij ka qënë i papritur, pasi duke qenë se për tre vite mbuloi kabinetin e ish-kreut të ndjerë të SHISH, Kujtim Hysenaj, duke qënë se i ra mbi supe barra për të qënë drejtues ‘de fakto’ i SHISH për shkak të gjendjes jo të mirë shëndetësore të Hysenajt, arriti të bëhej njeriu i duhur për të bashkëpunuar me partnerët ndërkombëtare dhe kryesisht SHBA. Por vetëm në fillim të 2005, ish-kryeministri Nano dhe ish-presidenti Moisiu gjetën gjuhën e përbashkët dhe emëruan Shaqirin në krye të SHISH. Drejtim që vijoi më pas nga ai dhe me qeverinë e Berishës me president Bamir Topin duke qenë nën sulmet e ish-kryeministrit, por asnjëherë reagues.
Për të ardhur në gusht të vitit 2012, kur presidenti Nishani firmosi kërkesën e Berishës për shkarkim të Shaqirit, ditën që e kishte thirrur për bashkëpunim e duke e zëvendësuar atë me kreun aktual Visho Ajazi Lika, ish-zëvendësin e Gazidedes, që kishte ardhur nga Kanadaja. Pavarsisht debateve politike për shkarkimin e tij nga kreu i SHISH, Shaqiri asnjëherë s’ka folur në këto dy vite, madje askush nuk e ka parë në ekrane, duke vijuar gjithnjë të heshtë sikurse ka bërë gjatë 7 viteve të drejtimit. Tashmë ai do jetë mbikqyrës i marrëdhënieve me NATO-n pranë kryteministrit, një detyrë e rëndësishme kjo për të.
Shkrimi u publikua sot (6.04.2014) në gazetën Shqiptarja.com (print)Redaksia Online
(d.a/shqiptarja.com)
Sondazhi i ditës:
A po jep rezultate lufta e SPAK ndaj grupeve kriminale?
-
Po
74.3%
-
Jo
18.8%
-
Nuk e di
6.9%
Vota total: 3464
Votat totale janë unike
Lajme të tjera
-
VIDEO/ Gjithë qyteti pret Jurgen Klopp, trajneri letër lamtumire tifozëve të Liverpool
19 Maj, 16:53
-
Në 1 qershor PD zhvillon Kuvendin për prezantimin e Programit, Agalliu: Do të kërkojmë votën e shqiptarëve për të larguar këtë qeveri të korruptuar
19 Maj, 16:53
-
VIDEO-LAJM/ President i Iranit zhdukur, ekipet e shpëtimit kërkojnë Raisin në zonën e uljes emergjente
19 Maj, 16:52
-
Formula 1/ Max Verstappen 'merr hak', fiton garën e Imolas në Itali! Në podium edhe Ferrari, befason Lando Norris
19 Maj, 16:36
-
Në Dajç të Lezhës ruhet tradita e prodhimit të mëndafshit! Lejla Bejleri prej 50 vitesh ushtron këtë profesion: Detyrim moral t'ua përcjellim brezave
19 Maj, 16:35
-
Revoltë në burgun italian, të dënuar të armatosur plagosin dy policë
19 Maj, 16:21
-
Shkëlqejnë Rajka e Luiza Gega, mbahet Kupa e Republikës në atletikë! Presidenti Stërmasi: Fituesit shkojnë në Ballkaniadë (VIDEO)
19 Maj, 16:01
-
Lushnjë, babai plagos me çifte vajzën e divorcuar dhe më pas vret veten! 40-vjeçarja në gjendje të rëndë (EMRAT)
19 Maj, 15:57
-
Kampionati Ballkanik i ‘bodybuilding’ në Gjirokastër, sportistë nga 16-60 vjeç garojnë në 9 disiplina të ndryshme
19 Maj, 15:54
-
Iran/ Incident me helikopterin ku udhëtonte presidenti iranian Efraim Raisi, nuk dihet nëse është rrëzuar apo ka bërë ulje të detyruar
19 Maj, 15:50
-
Prindërit e Hashim Thaçit në Hagë për ta vizituar djalin e tyre në paraburgim
19 Maj, 15:44
-
VIDEO/ Lë Skënderbeun si kampione, volejbollistja Gjata: Pas 11 vitesh stërvitje koha për një aventurë jashtë vendit
19 Maj, 15:43