POP 5

Lajmet më të lexuara të 5 minutave të fundit

Politikë

Rama në Athinë me kryebashkiakët
kryesorë, takim me emigrantët

Kryetari i PS në krye të një delegacioni të madh të përbërë nga kryebashkiakët e qyteteve kryesore të vendit do të jetë në Athinë në një vizitë dy ditore ku do të takojë emigrantët për të shpalosur alternativën për rilindjen shqiptare. (Foto Posteri që lajmëron vizitën e Ramës)
TIRANE- Kryetari i PS zhvillon një tur takimesh me emigrantët shqiptarë që jetojnë e punojnë në Greqi. Kreu socialist do marrë pjesë në aktivitetin "Vëmendje e Respekt për Emigracionin", që do të zhvillohet në kryqendrën helene Athinë, më datën 25 nëntor. Ndërkohë në listën e delegatëve socialistë bie në sy pjesëmarrja në këtë aktivitet e pjesës më të madhe të krerëve të bashkive socialiste të vendit. Kështu, kryesocialisti Rama në vizitën e tij dy ditore (24-25 nëntor) do të shoqërohet nga kryetarët e bashkive: Fatos Tushe Lushnjë, Tërmet Peçi Tepelenë, Flamur Bime Gjirokastër, Stefan Çipa Sarandë, Artan Shkëmbi Pogradec, Qazim Sejdini Elbasan, Niko Peleshi Korçë dhe deputeti socialist Taulant Balla.

 "Emigrantët kudo në Athinë mirëpresin Edi Ramën, gjithmonë pranë nesh. Shpresa e Emigrantëve, për një Rilindje Shqiptare" njofton kryetari i degës së PS në Greqi, Sotir Gjerko. Burimet brenda delagacionit të madh të PS bëjnë me dije se me emigrantët do të diskutohet në lidhje me kontributin që do të japin, jo vetëm ata që janë pjesë e strukturave socialiste në emigrim, për zgjedhjet parlamentare të qershorit të vitit të ardhshëm. Krerët e bashkive të cilët kanë dhe peshën kryesore në zgjedhjet parlamentare të vitit të ardhshëm pritet të garantojnë emigrantët për shenjtërinë e votës në qershor të vitit të ardhshëm, por dhe për garancinë që do të japin për të gjithë shqiptarët që me ardhjen e PS dhe aleatëve të saj në pushtet. Mësohet se ky takim i Ramës dhe krerëve të bashkive kryesore të vendit me emigrantët tanë në Greqi është dhe në kuadër të thirrjes së të gjithë emigrantëve për të ardhur dhe për të votuar në Shqipëri, në mënyrë që të kontribuojnë direkt në rilindjen e Shqipërisë.

Njëherësh do të kërkohet dhe nga ata të cilët nuk kanë mundësi që të vijnë në Shqipëri që të ndikojnë te familjet e tyre që të votojnë për opozitën dhe rilindjen shqiptare. Pritet që kreu socialist Rama dhe kryebashkiakët që do ta shoqërojnë të shpalosin para emigrantëve programin dhe platformën e PS për ringritjen e Shqipërisë. Mësohet se vizita e Ramës dhe delegacionit të madh të krerëve të bashkive kryesore të vendit është përcjellë me interes dhe nga agjencitë greke të lajmeve. Mësohet se shumë prej tyre kanë cilësuar Ramën si njeriun që prishi marrëveshjen e kufinjve detarë. Në një prej siteve greke shkruhej se "Edi Rama njeriu qe anuloi marrëveshjen e kufijve detarë takon emigrantët shqiptarë në Athinë, vetëm pak muaj përpara se të zhvillohen zgjedhjet parlamentare të verës së ardhshme, duke kërkuar votën e tyre". Çka tregon se vizita e tij ka ngjallur interes, por që ende nuk ka ndonjë reagim nga Agimi i Artë për ndonjë protestë të mundshme.

(Shkrimi u publikua sot ne gazeten Shqiptarja.com)
(sg/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi