"Të gjithë mbështetësit e kombëtares shqiptare të futbollit, qytetarët janë të ftuar ta ndjekin ndeshjen Shqipëri-Danimarkë nga fusha e blertë e parkut të Kryeministrisë" Ftesa është lajmëruar në rrjetin social Facebook nga vetë kryeministri Rama

Kryeministri e cilësoi ndeshjen Shqipëri-Danimarkë, e cila do të luhet në Kopenhagen në 4 shtator për eliminatoret 'Euro 2016', “një moment historik për Kombëtaren që është me afër se kurrë në realizimin e një misioni gjithnjë të pamundur deri më sot”.

"Kuqezinjtë në fushën e Parkut të Kryeministrisë mbrëmjen e 4 shtatorit me synimin për të hedhur një hap vendimtar drejt Francës 2016; një moment historik për Kombëtaren që është me afër se kurrë në realizimin e një misioni gjithnjë të pamundur deri më sot. Dhe kjo me Danimarkën është sprova e parë e katër ndeshjeve vendimtare për ta kurorëzuar me sukses këtë moment të jashtëzakonshëm. Prandaj kush dëshiron t'ia japë mbështetjen e vet Kuqezinjve nga fusha e blertë e Parkut të Kryeministrisë është i mirëseardhur  ‪#‎ForcaShqiperia‬"- shkruan Rama në Facebook