Rama në Preshevë: Ne betejë për
një Europe te Madhe, jo 'Shqipëri'

Rama: Atë që i japim tjetrit, asnjë tjetër nuk mund të na e mohojë ne
Bashkëjetesa e minoriteteve në Shqipëri, duhet të shërbejësi shembull konkret për Serbinë përballë shqiptarëve të Luginës së Preshevës. Kryeministri Rama mori shembullin e minoriteteve greke, maqedonas e të tjerë, që jetojnë në Shqipëri pa kurrfarë diferencimi. 

“Të jemi krenar për mënyrën se si respektojmë minoritetet. T’i tregojmë botës mbarë se në Shqipëri dhe në Kosovë ka modele të admirueshme të bashkëjetesës. Sot në Shqipëri ka një minoritet grek që nuk ndjen për asnjë çast asnjë dallim e jo më diskriminim në raport me shqiptarët. Ka maqedonas që jo vetëm nuk ndiejnë asnjë dallim e diskriminim, por që me ndarjen e re territoriale minoriteti do të ketë edhe bashkinë e vet. Sepse nuk janë numrat që përcaktojnë sjelljen ndaj tjetrit. Atë që i japim tjetrit asnjë tjetër nuk mund të na e mohojë ne”, tha Rama. 

Rama: Ja bëra të qartë Vucic-it, ne asnjë betejë për Shqipërinë e Madhe por për një Europë të Madhe
Nga Lugina e Preshevës Rama tha se gjatë takimit me kryeministrin serb në Beograd, i bëri të qartë Vucic se shqiptarët nuk kanë asnjë beteje për Shqipërinë e Madhe por për një Europë të madhe që ka nevojë për të gjithë shqiptarët.

"Kam folur hapur dhe shkoqur në takimin me Vuçiç. Ua bëra të qartë se ne shqiptarët nuk jemi në betejë të përbashkët për Shqipëri të Madhe por për Europë të madhe që duhet ti përfshijë të gjithë shqiptarët bashkë me gjithë të tjerët." tha Rama

Rama: Të rinjtë e Preshevës të vijnë të studiojnë në Shqipëri
Kryeministri Edi Rama duke folur për të drejtat e shqiptarëve në Luginën e Preshevës të diskutuar edhe në takimin e tij kokë më kokë me homologun Vuçiç, theksoi se është rënë dakord për njehsimin  e diplomave shqiptare në Serbi dhe anasjelltas.

Në këtë kontekst Rama ftoi të rinjtë e Luginës së Preshevës që të vijnë dhe të studiojnë në Shqipëri. Shefi i qeverisë shqiptare shtoi se me Vuçiç është rënë dakord që të përmirësohet infrastruktura në arsim.

“Ne nuk do ti mbyllim rrugën kujtdo ndër ju që do të bëhet mjek apo në të gjithë nivelin e arsimit të lartë. Kështu që ndihuni me më shumë se një derë të hapur dhe jam i bindur se duke bërë këtë, do ti japim mundësi kujtdo nga ju që të arsimohet në Republikën e Shqipërisë. Nga ana tjetër, sa i përket teksteve shkollore, dhe e dimë edhe fondin e akorduar bashkë me qeverinë e Kosovës, dhe për këtë arsye edhe me Vuçiç jemi fokusuar për ta parë me sy kritik gjendjen e infrastrukturës në arsim, dhe do të bashkëpunojmë edhe me qeverinë e Serbisë dhe me ju këtu për këtë situatë.

Rama: Marrëveshje me Vuçiç për hapjen e qendrave shëndetësore
Më tej Rama tha se është rënë dakord edhe për përmirësimin dhe ndërtimin e qendrave shëndetësore, si një nga problemet më të mëdha për komunitetin shqiptar deri më tani në Luginën e Preshevës.

“Ja kam kërkuar shprehimisht se do ta thoja këtu me zë të lartë se ai personalisht do të kuujdeset për qendrat spitalore për të gjithë ato nëna që për të lindur duhet të ikin me dhjetëra e dhjetëra e dhjetëra km larg. Shpresoj dhe besoj se do ta mbajë fjalën se kur të ja përmend të mos më thotë se është provokim.” tha Rama
Kryeministri shqiptar nga Presheva, u bëri thirrje të gjithë shqiptarëve që të tregohen të duruar duke shtuar se kurrë më parë shqiptarët nuk janë dëgjuar dhe respektuar më shumë se tani.

Rama: Tregohemi të duruar, rruga e shqiptarëve në BE
Rama nënvzoi se rruga jonë e përbashkët është në Bashkimin Evropian dhe shqiptarët janë të vendosur të ndjekin këtë rrugë. Por siç u shpreh Rama, duke vijuar në të njëjtën rrugë, pa asgjë që nuk është e jona, do të mund të bëhet edhe integrimi në familjen evropiane dhe respektimin e çdo pakice shqiptare.

"Do doja të flisja shumë, dhe dua të shtoj edhe diçka. Ne shqiptarët kemi shumë të drejtë që shpesh herë të jemi të padurueshëm. Kemi të drejtë në Shqipëri që pas shumë vitesh zhgënjim të kërkojmë gjithçka që na ka munguar, se këtë ia kemi bërë vetes. Kemi shumë të drejtë në Kosovë që çdo gjë të shkojë vaj, sepse vitet kalojnë shpejt. Kemi edhe më shumë të drejtë këtu të jemi të padurueshëm se takova me shumë kënaqësi disa të moshuar që iu iku jeta në këtë Luginë dhe zor se panë ndonjë ditë të bardhë përveç lindjes së fëmijëve, dhe gjenerata e rënies së Murit të Berlinit janë bërë gati për tu martuar. Pra kemi shumë të drejtë të jemi të padurueshëm. Por kthejeni kokën pas. Kush i mendonte shqiptarët me kaq shumë gjera të bëra realitet. Jo me një rrugë apo urë por gjëra të mëdha dhe besoj se më të dëgjuar e respektuar nuk kemi qenë asnjëherë. Sigurisht kjo nuk është për të ndaluar dhe për të thënë po durojmë. Kanë të drjetë të jenë të padurueshëm, por duhen nënvizuar dy gjëra. E para pse shqiptarët ia kanë dalë edhe kur më optimistët nuk kanë menduar të ja dalin të kenë një shtet tjetër? Sepse shqiptarët nuk kanë kërkuar diçka që i takon tjetrit. Sepse shqiptarët nuk kanë rënë kurrë në kurth të atij nacionalizimi që e bën njeriun dhe një vend të tërë të verbër për të hapur luftëra jo për veten e vetë por të mos e lënë tjetrin të lirë. Prandaj duke ia njohur gjithkujt të drejtën, edhe të dalë mendsh, nuk mundet të shkojmë pas këtyre e të na thonë ka një rrugë më të shkurtër, por populi thotë se rruga e shkurtër të nxjerr gjatë. Por duke marrë dhe lexuar si duhet historinë që na nxorri deri këtu për të shkuar aty ku duhet dhe ku duhet të shkojmë." theksoi Rama