Që prej ditës së djeshme kreu i qeverisë ndodhet në një vizitë zyrtare në Arabinë Saudite. Përmes një postimi në Facebook Rama na tregon detaje rreth takimit të tij me krerët Arabë.
Gjatë ditës së sotme ai u takua me mbretin Salman ibn Abdulaziz Al Saudi, nga i cili u prit me nderime të mëdha. Kreu i Qeverisë bën të ditur se pas takimit u nënshkruan disa marrëveshje të rëndësishme bashkëpunimi mes të dy vendeve,
“Në pritjen shumë miqësore të mbretit Salman ibn Abdulaziz Al Saudi, ku pas drekës zyrtare u nënshkruan disa marrëveshje të rëndësishme bashkëpunim” shprehet Edi Rama dhe ka vijuar më tej përmes një postimi të dytë duke thënë: Ekonomi, turizëm, trashëgimi kulturore dhe plane të përbashkëta investimesh, me vullnetin e çeljes së një kapitulli të ri bashkëpunimi mes dy vendeve.
Ai është takuar gjithashtu edhe me Shefin e Fondit Saudit të Zhvillimit, për të diskutuar për programin e projekteve të propozuara prej nesh në ekonomi, turizëm, arsim dhe trashëgimi kulturore.