POP 5

Lajmet më të lexuara të 5 minutave të fundit

Politikë

Rama ndan pamjet nga takimi në Milano: Shëmbëlltyrë e kohës së re që ka ardhur për Shqipërinë e shqiptarinë

Shëmbëlltyrë e kohës së re që ka ardhur për Shqipërinë e shqiptarinë, e ka cilësuar kryeministri Rama takimin e mbajtur një ditë më parë me emigrantët shqiptarë në Milano. Kreu i qeverisë ka ndarë një video me disa prej momenteve gjatë këtij takimi.

Kryeministri Edi Rama ka ndarë një video me disa momente nga takimi me emigrantët shqiptarë në Milano. Me sallën e mbushur plot në pallatin e sportit në 'Busto Arsizio', në video janë përzgjedhur disa momente, nga zbritja e kryeministrit me bashkëshorten Linda Rama në aeroport deri te përlotja e shqiptarëve gjatë transmetimit të dokumentarit për eksodin e madh të shqiptarëve në fillim të viteve ’90 në drejtim të Italisë.

Krahas videos, Rama shkruan se ky takim është një shëmbëlltyrë e kohës së re që ka ardhur për Shqipërinë e për shqiptarinë.

“MIRËMËNGJES dhe me këtë videokartolinë nga dallga kuqezi e shqiptarëve të Italisë, shëmbëlltyrë e kohës së re që ka ardhur për Shqipërinë e për shqiptarinë, ju uroj një javë të mbarë”, shkruan Rama.

Në kuadër të turit me diasporën, kryeministri Rama u takua dje, 26 maj, me emigrantët shqiptarë në Itali. Takimi u mbajt në pallatin e sportit në 'Busto Arsizio' lokalitet afër qytetit të Milanos , ku morën pjesë mijëra shqiptarë.

Për gati një orë, kryeministri Rama mbajti fjalim ndërsa falënderoi Italinë për ç’ka bërë për shqiptarët, për të cilët tha se e kanë fituar betejën dhe sot janë në majat e suksesit. Më datë 2 qershor kryeministri Rama do të jetë në Londër, ndërsa më datë 16 në Dyseldorf.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigranti: 27/05/2024 09:09

    O Ed Rama nuk ke aq peshë sa të mledhësh ato njerëz.Jo ti por asnji polikan në Shqipni.Tubimin e rradhës boje pa autobuzë e avion të ardh nga shqipnia e pa Noiz,Elvana e Artiola Toskën.. Mos harro tpaktën mos tmorin vllezërit kto zarat e tu se vllai Subashit ju flliqi..

    Përgjigju
  • Sondazhi i ditës:

    Skandali tek Onkologjiku, sa cilësor është shërbimi në spitale shtetërore?

Lajme të tjera



×

Lajmi i fundit

'Cirku' me pacientët tek Onkologjiku/ Alimehmeti në 'Përballje': Është vetëm një episod, kjo dramë ka dhe aktorë të tjerë

'Cirku' me pacientët tek Onkologjiku/ Alimehmeti në 'Përballje': Është vetëm një episod, kjo dramë ka dhe aktorë të tjerë

26 Qershor, 15:19