'Do bëhesh piktor si puna ime'/ Rama batuta në shtëpinë e familjes Lleshi në Kamëz: S'dua ëmbëlsirë, se jam i omël vetë

KAMËZ- Kryeministri Edi Rama ka qenë ditën e sotme në Kamëz në familjen e Esat Lleshit, prej 8 anëtarësh. Kësaj familjeje u dëmtua shtëpia nga tërmeti, e ndërsa sot janë akomoduar në një shtëpi me qira, teksa kanë filluar ndërtimet për shtëpinë e re. Në takimin e këtë famijle, nuk munguan dhuratat për dy fëmijët e vegjël të kësaj shtëpie, por edhe batutat e kreut të qeverisë Edi Rama.

Për djalin e vogël të shtëpisë, Rama kishte zgjedhur që t'i dhuronte një makinë , një libër me përralla si dhe mjetet e duhura për të pikturuar. Kjo e fundit nuk ishte rastësi apo një zgjedhje e çfarëdoshme, por e mirëmenduar pasi djali ka shumë qejf pikturën. Si një piktor i vjetër, Rama i ka dhënë këshillë për të mos e lënë kurrë pikturëës.

"Mos e ndaj pikturën, do bëhesh bojaxhi si puna ime.  E ke një zanat, si do që të vijë puna gjithmonë do ketë nevojë për bojaxhi", i tha Rama djalit të vogël të familjes Lleshi, e ndërsa u kërkoi atyre nota të mira, të cilat i quajti si shpërblimi i vetëm që mund t'u japin prindërve këtë moshë.

"Kur sjell 10 shtëpia forcohet, kur ti sjell ndonjë notë 8.9 shtëpia lëviz. Kështu mami dhe babi punojnë, kënaqen dhe ju rrisin më mirë. Sa më shumë 10 sot, aq më mirë nesër", u shpreh kreu i qeverisë.

Një koment e ka pasur edhe për akuzat e bëra nga opozita, për të cilat tha se e kanë për detyrë që t'i durojnë, pasi kjo është puna e tyre. "Ca t'u bëjmë atyre që thonë këta gënjejnë, këta kështu janë, shohin veten e vet..., është pjesë e punës, duhet me e duru edhe të shamet, edhe rrenat edhe të gjitha. Ça nuk na vret na forcon", tha Rama.

Rama ishte i shoqëruar me kreun e Bashkisë së Kamzës, Rakip Suli ku dhe ka dhënë shifra zyrtare për situatën në qytetin e Kamzës. "Janë 24 shtëpi të reja që po ndërtohen, nuk ka asnjë në çadra, 58 familje e kanë marrë bonusin e qirasë. Të hënë vazhdon pjesa tjetër, 260 në total për pagesën tjetër", bëri të diitur Suli.

Në fund dhe një batutë nga Rama, i cili nuk pranoi karamelet e servirura nga kryefamiljarja e shtëpisë, por mori vetëm një mandarinë. "Jo s'dua. Jam shumë i omël vetë, nuk ha ëmbëlsira. Mandarinën do e marr", tha Rama.

B.K./Shqiptarja.com

TAG:
• edi rama
• kamez
• demet nga termeti