Rama në fshatin ku s’ka asnjëherë drita, i kthehet i habitur Tërmet Peçit: Pse s’ka energji këtu? Do ta gjejmë patjetër një mundësi

Kryeministri Edi Rama ka zhvilluar ditën e sotme një tur vizitash në Tepelenë.

Pak më parë ai ka publikuar një foto nga Nivica, ku shihet i ulur këmbë kryq duke shijuar natyrën e bukur të këtij fshati.

Larg situatës politike, me këmbët kryq dhe buzë ujit, Rama në foton e publikuar shkruan “Parajsa e Nivicës”.

Kryeministri Edi Rama ka zhvilluar një tur vizitash sot në Tepelenë, i shoqëruar nga kryetari i Bashkisë Tërmet Peçi dhe drejtuesi politik i PS për qarkun e Gjirokastrës, ministri i Brendshëm Bledi Çuçi.

Kur ka shkuar në Salari për inagurimin e rrugës Tepelenë-Salari, aty është pritur me këngë nga grupi polifonik i zonës.

“Ne këtej nga anët tona, për ju kemi një urim, le të thonë çfarë të duan, juve u bëftë dita 1000”, thuhej ndër të tjera në tekstin e këngës.

Kjo zonë tha Rama do të shpërthejë ekonomikisht.

"Më në fund ajo ëndrra e daljes në det nga maja më e lartë deri në Borsh u bë realitet. Kjo zonë do shpërthejë ekonomikisht nga shpërthimi i agroturizmit duke u bazuar te shtëpitë e vjetra, natyra, traditat, trashëgimnia në blegtori dhe te polifonia. Ka filluar ndryshimi por jemi ende në fillime", tha Rama.

Kantieret e dy akseve Tepelenë-Lekdush dhe Gusmar-Kuç pritet të përfundojnë brenda sezonit të verës.

Ky lajm është bërë me dije gjatë vizitës së kryeministrit Edi Rama, sot në këtë zonë i cili ka theksuar se me përfundimin e këtyre akseve, do të mundësohet gjatë sezonit të verës ëndrra e vjetër e lidhjes së Labërisë së Sipërme me bregun e Himarës.

"Në kantieret e dy akseve Tepelenë-Lekdush dhe Gusmar-Kuç, të cilat po shkojnë drejt përfundimit, duke mundësuar gjatë sezonit të verës ëndrrën e vjetër të lidhjes së Labërisë së Sipërme me bregun e Himarës", thotë Rama.

"Kjo është rrugë përrallore. Është përrallore si udhëtim, si peisazh, është fantastike", vijoi kryeministri mes të tjerash, gjatë bisedës me drejtuesit e punimeve të cilët theksuan se pritet që punimet të përfundojnë brenda muajit mars.