POP 5

Lajmet më të lexuara të 5 minutave të fundit

Politikë

Rama në “Euronews”: Do të
luftojmë korrupsionin në vend

“Korrupsioni nuk është për faj të shqiptarëve por të sistemit, dhe kjo është ajo çka qeveria ime do të luftojë”. Kështu deklaroi kryeministri Edi Rama në një intervistë të shkurtër për “Euronews”.
Rama- Ivanovit: Të shqetësuar për shqiptarët e Maqedonisë
Zbardhen 3 vendimet e projektligjet e para të qeverisë Rama
Topalli: Deklarata e Ramës fyen shqiptarët e Maqedonisë
Thaçi: Rama do bëjë më shumë për shqiptarët e Maqedonisë
Rama në “Euronews”: Do të<br />luftojmë korrupsionin në vend
“Korrupsioni nuk është për faj të shqiptarëve por të sistemit, dhe kjo është ajo çka qeveria ime do të luftojë”. Kështu deklaroi kryeministri Edi Rama në një intervistë të shkurtër për “Euronews” gjatë dy ditëve të qëndrimit në Bruksel.
 
Rama sqaroi se çdokush që do të vinte në Shqipëri ka rrezikun e përfshirjes në korrupsion për shkak të një sistemi i cili ka dëmtuar jetën shqiptare.
 
Pyetjes sesi do ja dalë koalicioni i majtë qeverisës, Zoti Rama iu përgjigj se është në fokusin kryesor dhe me reforma serioze dhe modernizim të insitucioneve, modernizim të komunikimit, gjithçka do ta marrë zgjidhje.
 
“Ju jeni i mirënjohur në opinionin ndërkombetar për mënyrën sesi keni drejtuar bashkinë e Tiranës, a do të përdorni të njëjtin model, pyeti gazetari i “Euronews” kryeministrin, i cili me një buzëqeshje theksoi se, edhe Shqipëria do të përjetojë refomra dhe modernizim si Tirana.

Euronews: Kur mendoni se Shqipëria do të anëtarësohet në BE?

Edi Rama: Ne kemi bërë progres mjaft të madh, por kemi ende shumë për të bërë. Shpresoj që në 10 vjetët e ardhshëm, kjo ambicie të realizohet dhe Shqipëria të bëhet pjesë e Bashkimit Europian me të drejta të plota. 

Çfarë mund t’i sjellë Shqipëria Bashkimit Europian, kur ka ende shumë pasiguri lidhur me zgjerimin?

Edhe pse ishte mjaft e lodhshme, Kroacia arriti më në fund të hynte në BE. Por, nga ana tjetër, Shqipëria është vendi më pro evropian në të gjithë kontinentin. Shqiptarët e shohin me mjaft pozitivistet Bashkimin Europian. Pra nëse ne arrijmë të anëtarësohemi, do të sjellim energji pozitive dhe entuziazëm. 

Disa vende si Britani e Madhe, Franca dhe Gjermania mund të mos jenë të bindura për anëtarësimin e vendit tuaj në BE, pasi Shqipëria ka një imazh mjaft negativ në lidhje me korrupsionin

Deri në një pikë është mjaft legjitime. Ky debat është mjaft i gjerë. Korrupsioni ka zhgënjyer jo vetëm popullin tonë, por edhe një sërë popujsh që jetojnë rreth nesh. Nëse zgjerimi i BE-së refuzohet, atëherë ky zhgënjim do të mbetet i përhershëm ndër familjet shqiptare, serbe, maqedonase dhe malazeze. Unë mendoj se çdo vend që i bën oponencë zgjerimit të BE-së, e bën këtë për arsye më të mëdha se korrupsioni. Këto janë çështje politike që lidhen me zhvillimet në Europë. 

Na tregoni më specifikisht se çfarë do të bëni ju? A do ta reformoni administratën publike? Cilat janë reformat që do të ndërmerrni? 

Për ne është gjithçka e qartë. Reformat vijnë përmes modernizimit. Ne duhet të modernizojmë institucionet, shërbimet, të modernizojmë mënyrën se si komunikojmë. Ne po shpresojmë që t’i bëjmë këto gjera dhe do t’i bëjmë.

Ju u bëtë i njohur si kryebashkiaku i Tiranës. Duke qenë se korrupsioni është i rrënjosur në çdo hallkë në Shqipëri, a do të thotë kjo se disa nga parimet tuaja kanë rënë në kompromis me të?

Unë mendoj se korrupsioni është rezultat i mosfunksionimit të sistemit, dhe nuk është në ADN-në e njerëzve. Nëse ju merrni një shqiptar në administratën britanike, ai nuk do të bëjë kurrë korrupsion, pasi kushtet dhe sistemi nuk është i tillë. Por nëse ne marrim njerëz nga ky vend të punojnë në Shqipëri, atëherë ka shumë shance që ai të korruptohet.

Redaksia Online
(e.s/mag/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

28 Nëntor, 12:34