Rama në Pogradec: Vaksinimi masiv do të lehtësojë sezonin turistik! Takon votuesit për herë të parë: Të mos kthehemi mbrapa

Rilindja Urbane në Pogradec është një proces në vazhdim, ku punohet intensivisht për përfundimin e kualifikimit urban dhe shtimin hapësirave të gjelbra në qendër të qytetit dhe shëtitoren buzë liqenit. Rehabilitimi i hapësirave publike është shtrirë në gjithë qytetin.

Disa nga këto investime inspektoi sot Kryeministri, i cili më pas u takua edhe me një grup të rinjsh, votues për herë të parë. Nisur nga ndryshimi që Pogradeci ka njohur në kēto vite, ata u shprehën optimistë për të ardhmen dhe zhvillimin më tej të qytetit të tyre.

Këto punë dhe shumë të tjera në proces, u shpreh Kryeministri, janë edhe thelbi i zgjedhjes që duhet të bëjë çdo qytetar në 25 prill.

“Jemi këtu për të mos shkuar e për të mos u kthyer mbrapa. Kjo është zgjedhja që quhet bërë në kë të moment, të mos ndalojmë e të vazhdojmë të çojmë para punët e shumta të nisura e që janë afër përfundimit, një pjesë tjetër janë punë që duan ende kohë për t’u përfunduar, një pjesë tjetër janë punë që vijnë si rezultat i punëve që përfundojnë. Janë një zinxhir i tërë punësh që rrezikojnë të mbeten në vend dhe përpjekje që rrezikojnë të shemben dhe të kthehemi edhe një herë si gjithmonë në këto raste mbrapsj dhe të humbasim, kohë, vite, shanse e mundësi. Por besoj se do të ndodhë e kundërta. Populli do vendosë që puna të vazhdojë papushim, pa ndalim, me vendosmëri dhe durim”.

 

 

 

Lajmi kryesor:

Vaksinimi masiv/ Rama: Askush nuk do mbetet pa vaksina, këtë javë një tjetër lajm të mirë! Manastirliu: Sot arrijmë në 200 mijë vaksinime gjithsej

M.Q./Shqiptarja.com

TAG:
• edi rama
• ogerta manastirliu
• etilda gjonaj
• pogradec
• vaksinat ne shqiperi
• vaksinimi masiv