POP 5

Lajmet më të lexuara të 5 minutave të fundit

Politikë

Rama vizitë në SHBA, takohet me Sekretarin e Përgjithshëm të OKB-së! Nesër me Sekretarin Amerikan të Shtetit, Anthony Blinken

Në vizitën 4 ditore, më 15 shkurt në Uashington, Rama do të ketë një takim me sekretarin amerikan të shtetit Anthony Blinken. 

Kriza në Ukrainë dhe roli që Shqipëria do të ketë si bashkëpenmbajtëse me SHBA  të çështjes së Ukrainës në Këshillin e Sigurimit të Kombeve të Bashkuara, e kanë çuar kryeministrin Edi Rama në SHBA.

Bëhet me dije se kryeministri Rama ka zhvilluar një takim me sekretarin e përgjithshëm të OKB-së, Antonio Guterres pak javë pasi Shqipëria ka nisur mandatin e saj dyvjeçar si anëtare e Këshillit të Sigurimit, ku sapo ka marrë edhe përgjegjësinë e bashkëpenëmbajtësit me Shtetet e Bashkuara.

Më pas, në orën 17.30 do të jetë pritja zyrtare e Shqipërisë për përfaqësuesit e 193 vendeve anëtarë të OKB, përfaqësues nga senati/kongresi amerikan e miq të Shqipërisë me marrjen e mandatit dy vjeçar si anëtar jo i përhershëm  Këshillin e Sigurimit.

Në këtë takim, krahas Ministres Olta Xhaçka dhe Kryeministri Rama do të adresojë mesazhin e tij edhe presidenti i Asamblesë së Përgjithshme të Këshillit të Sigurimit. Në vizitën 4 ditore, më 15 shkurt në Uashington, Rama do të ketë një takim me sekretarin amerikan të shtetit Anthony Blinken. 

Ky do të jetë takimi i dytë mes Ramës dhe Blinken, pas atij të 13 Qershorit 2021 në Bruksel, ku SHBA dhe Shqipëria nënshkruan memorandumin për sigurinë e 4G dhe 5G.

Axhenda paraprake e kryeministrit Edi Rama në SHBA:

14 shkurt: Takim me Sekretarin e përgjithshëm Guterres dhe pritja zyrtare e Shqipërisë me rastin e anëtarësimit në Këshillin e Sigurimit

15 shkurt: Takim me Sekretarin Amerikan të Shtetit, Antony Blinken

16 shkurt: Takime

Rendit zhvillimet sipas orarit:
Ora 22:24
Rama takon sekretarin e Përgjithshëm të OKB-së, António Guterres (VIDEO)

Kryeministri Edi Rama, i cili ndodhet në një vizitë zyrtare në Shtetet e Bashkuara të Amerikës  u takua sot në Selinë e Kombeve të Bashkuara në New York  me Sekretarin e Përgjithshëm të OKB, António Guterres, pak javë pasi Shqipëria ka nisur mandatin e saj dy vjeçar si anëtare e Këshillit të Sigurimit, ku sapo ka marrë edhe përgjegjësinë e bashkëpenëmbajtësit me Shtetet e Bashkuara.

Gjatë këtij mandati, Shqipëria ulet në tryezën më të lartë për paqen, sigurinë dhe stabilitetin. Si anëtare e Këshillit të Sigurimit për periudhën 2022-2023, Shqipëria është e gatshme të ofrojë kontributin e saj në shërbim të paqes dhe sigurisë, të drejtave të njeriut dhe zhvillimit të qëndrueshëm ndërkombëtar.

Në takim merrte pjesë edhe Ministrja për Evropën dhe Punët e Jashtme Olta Xhaçka.

M.Q./Shqiptarja.com

/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 14/02/2022 10:34

    Amon o Edo! fol i çik me Blinkenin, qe tja heçi non grata shkaterruesit te Shqiperise! Amon bo çmus,se Amerika doja shohi sherrin bandave te Saliut.

    Përgjigju
  • elmaz bufi: 14/02/2022 09:15

    çfarè fati paska Blinkeni do takoj te madhin Ed vin ....ishalla I ço ndonji pikturè

    Përgjigju
  • hes: 14/02/2022 08:38

    a i cove amerikes nja 3 tanke dhe dy pushke, se kan nevoje

    Përgjigju
  • Arbërori: 14/02/2022 08:22

    E pse do takohet edhe me ambasadorin serb ky …??? Mbrëmë e degjova në një emision serb se Gjuriçi do takohet me Ramën atje. Pae për qfar e bën një kryeminister shqiptarë këtë takim , porosit e kujt do i merr apo edhe do i percjellë ky …???

    Përgjigju
    • Paqe koke: 14/02/2022 16:27

      E ben që Serbia te mos marrë “zemer “ Nga konflikti mes Rusia-Ukrahine dhe të nise konflikt në Kosove apo Bosnie apo Kroaci! Serbia mbetet maçoku i Rusise bashke me shqarthin e Grekut

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Izraeli bombardon me raketa aeroportin ndërkombëtar të Sanas në Jemen, disa të lënduar

Izraeli bombardon me raketa aeroportin ndërkombëtar të Sanas në Jemen, disa të lënduar

26 Dhjetor, 17:02