POP 5

Lajmet më të lexuara të 5 minutave të fundit

Politikë

Rama njofton vizitën e tij në
Serbi: Marrim rol të ri në Rajon

Kryeministri Edi Rama njoftoi sot vizitën e afërt në Serbi, por nuk bëri të ditur datën. Gjatë konferencës që zhvilloi me presidentin e Komisionit Europian, Jose Manuel Barroso, kryeministri Rama tha se me vizitën që do të kryejë në Beograd do të synojë normalizimin e marrëdhënieve mes Shqipërisë dhe Serbisë.
Rama njofton vizitën e tij në<br />Serbi: Marrim rol të ri në Rajon
TIRANE - Kryeministri Edi Rama njoftoi sot vizitën e afërt në Serbi, por nuk bëri të ditur datën. Gjatë konferencës që zhvilloi me presidentin e Komisionit Europian, Jose Manuel Barroso, kryeministri Rama tha se me vizitën që do të kryejë në Beograd do të synojë normalizimin e marrëdhënieve mes Shqipërisë dhe Serbisë.

“I bëra me dije Barrosos vullnetin tonë për të marrë një rol të ri në rajon dhe për të bashkëpunuar bashkëpunuar me vendet e tjera të Bakllkanit”, tha Rama, gjatë konferencës për mediat me presidentin e KE.

Pozitiv, shihet ky hap nga Barroso, i cili tha se fakti që Rama do të takohet me kryeministrin serb tregon se rajoni gëzon paqe të plotë, dhe kjo sipas tij është një arritje madhështore.

“Ju mund të mbështeteni tek KE dhe ne do të ju mbështesim ju. Ne vazhdojmë të ju mbështesim edhe për paqen e stabilitetin në rajon. Fakti që keni vendosur të takoheni me kryeministrin serb është më shumë se sa një gjest simbolik. Fakti që në këtë rajon filloi Lufta e Parë Botërore 100 vjet më parë dhe se po në këtë rajon shohim se jetohet në paqe është një aritje. Tani njerëzit hedhin votën, nuk vrasin më. KE do të vazhdojë të mbështesë Shqipërinë në sfidat që e presin. Edhe pa integrimin e evropian besoj se është në interes të popullit për të pasur një vend modern dhe ku sundon ligji. Duke pasur parasysh të ardhmen e Shqipërisë ne kemi parasysh paqen e stabilitetin në rajon.” u shpreh Barroso

Për kryeministrin Rama Bashkimi Europian duhet të jetë i vetëdijshëm se Ballkani ka nevojë për BE-në, dhe BE për Ballkanin. “E ardhmja e Bashkimit Europian s’mund të kuptohet pa Ballkanin”, -tha Rama.

Më herët, zyrtarë të dyja qeverive patën konfirmuar një vizitë të Kryeministrit Edi Rama në Beograd, vizitë kjo e shtyrë për shkak të zgjedhjeve të mbajtura në Serbi në pranverë të këtij viti.

Redaksia Online
(Gre.M/Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51