Rama: Nuk ulim çmimin naftës për ata që duan të furnizojnë ‘X5’-at për të bllokuar rrugët dhe për ato që protestojnë me Iphone në kohë lufte

Kryeministri Edi Rama tha se nuk jemi këtu për të ulur çmimin e naftës për ato që duan të furnizojnë Furostradat dhe x5 për të bllokuar rrugët e atje dhe për t’i mbajtur njerëzit në rrugë në këtë kohë lufte. Kreu i qeverisë tha se Shqipëria është i vetmi vend në botë që po proteston, jo për tu solidarizuar me Ukrainën, por për rritjen e çmimeve nga lufta.

‘Ne nuk jemi këtu të ulim naftën për ata që duan të furnizojnë të Furostradat dhe x5 për të bllokuar rrugët e atje dhe për t’i mbajtur njerëzit në rrugë në këtë kohë lufte, për turpin e dheut, ndërkohë që e gjithë bota del në protesta për tu solidarizuar me ato të shkretët që i kanë bombat mbi kokë. Këtu janë disa që dalin me makina x5 dhe bëjnë protesta me drita Iphonësh. Nuk kanë pensionistët drita Iphone dhe nuk kanë x5. Ato që kanë mundësi më shumë do të paguajnë më shumë. Në këtë kohë është koha për tu ndjerë mirë, që paguan më shumë kur ke më shumë. I vetmi vend i NATO-së që del në protestë për rritjen e çmimeve nga lufta në Ukrainë.’- tha Rama.

Lajmi kryesor:

Paketa e Rezistencës Sociale, Rama bashkëbisedim me punonjës: Do të mbrojmë çdo shqiptar në nevojë, protestat me drita i-Phone dhe makina X5 janë turp në këtë kohë lufte

M.Q./r.k./Shqiptarja.com

TAG:
• rritja e cmimeve
• paketa e rezistencës sociale
• edi rama