TIRANË- Një ditë pasi prezantoi Paketën e Rezistencës Sociale me 7 pika për t’iu gjendur pranë qytetarëve për rritjen e çmimeve, kryeministri Edi Rama ka zhvilluar një bashkëbisedim në dy biznese për të informuar punonjës në sektorë të ndryshëm për këtë paketë, ndërhyrjet e qeverisë dhe efektet e krizës ndërkombëtare në ekonomi.
Gjatë bashkëbisedimit, Kryeministri informoi se Paketa e Rezistencës Sociale parashikon ndër të tjera, që qeveria të afrojë me dy muaj, futjen në fuqi të ligjit për zerimin e taksës për pagat deri në 400 mijë lekë të vjetra dhe përgjysmimin e taksës mbi pagat deri në 500 mijë lekë të vjetra. Gjithashtu do të shtohen 20 miliardë lekë të rinj ose 200 milionë USD për të mbajtur të palëvizur çmimin e energjisë elektrike në faturat e familjarëve dhe bizneseve të vogla.
Rama ka ritheksuar edhe njëherë se çmimi i energjisë për familjarët dhe biznesin e vogël nuk do të rritet, por do të paguhet nga shteti, ndërsa bëri me dije se do të shtohen edhe 20 miliardë lekë të reja për financimin. Ai theksoi se deri në fund të vitit qeveria do të paguajë 650 mln euro për faturat e energjisë për familjet dhe për bizneset.
Kreu i qeverisë, zbuloi po ashtu se po negociohet me Serbinë për një sasi gruri të kontraktuar më herët nga kompanitë shqiptare, para se Serbia të bllokonte eksportet për të ruajtur popullin e saj nga kriza. Kjo lëvizje vjen në një kohë kur çmimi i miellit është rritur në vend për shkak të luftës Rusi-Ukrainë.
Sa i takon protestës për rritjen e çmimeve, Rama tha se nuk do të ketë ulje të çmimit të naftës, për ato që duan të furnizojnë Fuoristradat apo X5 për të bllokuar rrugët, në këtë kohë lufte, ndërsa e gjithë bota del për tu solidarizuar me Ukrainën. Kryeministri ishte i shoqëruar në këto dy takime, nga ministrja e Energjitikës dhe Infraskturës Belinda Balluku si dhe nga ministrja e Financave Delina Ibrahimaj.
Pas mbledhjes me qeverinë, kryeministri Edi Rama prezantoi 7 masat e marra, ku shpjegoi se do të kompensojnë me 3 mijë lekë rritjen e çmimeve të shportës për shtresat në nevojë. Kjo shumë do të përfitohet për 3 muaj nga pensionistë që marrin më pak sesa gjysma e pagës minimale, pensionistë të invaliditetit, pensionistët që jetojnë vetëm, personat me aftësi të kufizuar, paraplegjikë, tetraplegjikë apo të verbër dhe të gjitha familjet me ndihmë ekonomike.
Kryeministri Edi Rama sqaroi sot qytetarët se të gjithë ata që përdorin linjat urbane, ndërurabe nuk do të kenë rritje të çmimit të biletës. Ai theksoi se koston shtesë do e paguajë qeveria dhe për këtë do të jepen 5 milionë dollarë.
“Ne jemi këtu edhe për transportin tuaj. Ju nuk vini këtu, se këtu nuk është qendra e Tiranës, ju nuk vini këtu me vetura, ju vini këtu me fugon, vini këtu me autobus, nuk e di si e keni të organizuar transportin, mbase e garanton kompania por ka shumë e shumë si ju që marrin autobusin dhe ne jemi këtu që të mos ju rritet çmimi i biletës. Prandaj kemi vendosur në këtë paketë rezistence, 5 milionë dollarë për të paguar diferencën e çmimit të biletës, që ju të vazhdoni të paguani të njëjtin çmim dhe ne qeveria paguajmë pjesën tjetër dhe ju nuk e ndjeni fare rritjen”, tha Rama në një takim me bizneset.
Kryeministri Edi Rama ka zbuluar sot se po negociohet me Serbinë për një sasi gruri të kontraktuar më herët nga kompanitë shqiptare, para se Serbia të bllokonte eksportet për të ruajtur popullin e saj nga kriza. Kjo lëvizje vjen në një kohë kur çmimi i miellit është rritur në vend për shkak të luftës Rusi-Ukrainë.
“Po negociojmë tani me Serbinë për të nxjerrë një pjesë të grurit që është kontraktuar nga kompanitë tona. Besojmë se do ta bëjmë, nëpërmjet Ballkanit të Hapur. Këto janë faktet. Ju gratë e dini që burrat luftojnë me faktet. Duan t’iu dalë e vetja dhe nuk pranojnë faktet”, tha Rama.
Rritja e çmimeve dhe kriza është ajo që duhet të paguajmë për mbështetjen që po i japim Ukrainës. Kështu deklaroi Kryeministri Rama sot, teksa nënvizoi se ky është kompromisi që bota ka bërë për të mos e sjellë luftën kudo.
"Dje më çonin çmimin e naftës dhe të benzinës në Itali. 2.4 euro për litër. Vendet e kanë pranuar për të mbështetur ata që po vriten atje. Dhe nuk i mbështesim ata vetëm për ata, por sepse nëse nuk reagojmë ajo luftë vjen tek ne", tha Rama.
Kryeministri Edi Rama tha se nuk jemi këtu për të ulur çmimin e naftës për ato që duan të furnizojnë Furostradat dhe x5 për të bllokuar rrugët e atje dhe për t’i mbajtur njerëzit në rrugë në këtë kohë lufte. Kreu i qeverisë tha se Shqipëria është i vetmi vend në botë që po proteston, jo për tu solidarizuar me Ukrainën, por për rritjen e çmimeve nga lufta.
‘Ne nuk jemi këtu të ulim naftën për ata që duan të furnizojnë të Furostradat dhe x5 për të bllokuar rrugët e atje dhe për t’i mbajtur njerëzit në rrugë në këtë kohë lufte, për turpin e dheut, ndërkohë që e gjithë bota del në protesta për tu solidarizuar me ato të shkretët që i kanë bombat mbi kokë. Këtu janë disa që dalin me makina x5 dhe bëjnë protesta me drita Iphonësh. Nuk kanë pensionistët drita Iphone dhe nuk kanë x5. Ato që kanë mundësi më shumë do të paguajnë më shumë. Në këtë kohë është koha për tu ndjerë mirë, që paguan më shumë kur ke më shumë. I vetmi vend i NATO-së që del në protestë për rritjen e çmimeve nga lufta në Ukrainë.’- tha Rama.
Kryeministri Rama është shprehur sot se Qeveria do ta rrisë pagën minimale çdo vit dhe deri në fund të mandatit Rama tha se dëshiron që në vend të mos ketë pagë nën 40 mijë lekë
“Është bërë si modë këtu që pagat janë 20 mijë lekë, jo është 30 mijë lekë. Do ta rrisim çdo vit, në fund të mandatit do të bëjmë që të mos ketë pagë nën 40 mijë lekë", tha ai.
Në takimin me një grup punonjësish në një biznes në Tiranë, Kryeministri Rama nënvizoi se një kilovat energji shkon në treg aktualisht 61 lekë, ndërsa familjet shqiptare e paguajnë me 9%.
"Kur të shkoni në shtëpi hidhni një sy faturës së energjisë dhe shumëzojeni me 7. Aq është çmimi real sot. Qëllimi ynë është ruajtja e një situatë normale. Nuk ka ndodhur kurrë që një krizë të rrisë çmimet në këtë situatë. 61 lekë të jetë vlera e kilovatit dhe ju të paguani 9 lekë", tha Rama.
Kryeministri Edi Rama po zhvillon një takim me bizneset për të prezantuar Paketën e Rezistencës Sociale. Kreu i qeverisë tha se paga minimale do të bëhet që nga muaji prill 32 mijë lekë, ndërsa shtoi se gati gjysma e të punësuarve në Shqipëri janë me një pagë më të lartë se paga minimale.
‘Në këtë situatë absurde të krijuar nga një luftë që zhvillohet vetëm 2 orë larg në vijë ajrore nga ne, shikojmë edhe pasojat e rritjes së çmimeve. Kemi vendosur heqjen e taksës me pagën mbi 40 mijë lekë. Keni dhe në të ardhur plus, që është një 7% i ndarë mes punëdhënësit dhe punëmarrësit. Pagat minimale në Shqipëri janë 30 mijë lekë dhe nga fillimi i muajit prill do të reflektohet rritja e pagës minimale e cila do të shkojë 32 mijë lekë. Deri në fund të mandatit, paga minimale do të shkojë deri në 40 mijë lekë. Gati gjysma e të punësuarve në Shqipëri janë me një pagë më të lartë se paga minimale.’- tha Rama.
Komente
Lajme të tjera
-
Përfundon argjinatura në Juban të Shkodrës, Rama: Shmang rrezikun e përmbytjeve në Kuç e Vukatanë
17 Prill, 15:25 -
Prezantohet projekti i Manchester City në Durrës, gati brenda një viti! Rama: Sjellim edhe akademinë e tenistit Rafael Nadal
17 Prill, 12:11 -
Asambleja voton pro anëtarësimit të Kosovës në KiE, Rama: Hap historik dhe i drejtë, i dha çka i takonte! Basha: Ditë e madhe për shqiptarët
16 Prill, 21:09 -
Meta sulmon kreun e SPAK, Altin Dumanin: Karafil! Kushëriri i Nuredinit do të bëhet vrasës i pluralizmit! Të ketë kujdes, PL i ka 300 mijë Vojo Kusha
16 Prill, 14:38 -
'Princesha e re e Lindjes', Rama poston foto nga revista franceze: Surprizë e këndshme në aeroportin e Parisit
15 Prill, 13:21 -
Lulzim Basha zbardh takimin me zyrtarin e Partive Popullore Europiane: Si lobuan Rama dhe Berisha kundër meje në Bruksel
14 Prill, 18:36 -
VIDEO/ Avancojnë punimet në kantierin Porto Romano-Durrës! Rama: Me dalje në Shkozet do të shmanget trafiku brenda qytetit bregdetar
14 Prill, 11:12 -
Shqipëria dënon ashpër sulmin e Iranit ndaj Izraelit, Presidenti, Rama e ministri Hasani: Kërcënim i rëndë, rrezikon paqen në Lindjen e Mesme
14 Prill, 09:35 -
Mero Baze: Rikthimi i dytë i Francës në botën shqiptare
14 Prill, 09:06
-
Akademia Politike e PS, Rama: 160 aplikime në 4 ditët e para
13 Prill, 21:48 -
Shqipëria dhe Franca forcojnë bashkëpunimin në administrimin e pyjeve
13 Prill, 19:09 -
'Le Figaro': Rama vlerëson partneritetin me Francën
13 Prill, 09:52
Mundohu t'na e mbash cmimin e ulet meqenese serbi e merr direkt tek rusi miellin. Ca dromca le ti mbani edhe ti me vucic-in sepse i keni hallall perderisa ne jua lejojme. Rrofshi sa malet.
PërgjigjuKa X5 te viteve 2000-10 me mbi 300-500.000 km te cilat ti falin ne vendet e bashkimit europian sepse jane jashte standarteve per ndotjen e ambientit.
PërgjigjuUne nuk kam X5 as X6 as X7 as makine moderne por nese keta qe i zoterojne i kane me djerse, atehere terhiqi mbrapsht keto fjale turpi. Nese i kane me burime te paligjshme pergjegjesia prape bije mbi ty dhe shtetin tend qe nuk zbaton ligjin. Cdo njeri ka te drejte te protestoje nese i cenohet xhepi i tij nga keq qeverisja, mos zbatimi i ligjit njelloj per te gjithe dhe kundra spekulanteve qe qeveria mban nen sqetull.
PërgjigjuTurpi me i madh i Shqiperise je ti.
PërgjigjuTurp te kesh ti qe tallesh me ket popull duke ber show me kto pseudo biznesmen.Na trego oligarket koka e te cileve je ti.Trego faturat sa kushton buka,vaji,sheqeri,orizi,mielli e jo faturat e ktyre qe fitojn miliona.
PërgjigjuBablok disa her ke artikuluar keni rastin te lani mekatet e se shkuares.... Paskan ber mekate... Ti i dike je bashkfajtor me ligjet e ktij vendi.... Kush jeni ju te amniatoni mekatare ne kete format faljeje.. Zot na ruaj
PërgjigjuShqiperia pret grure nga Serbia... Perkthehet ne shqip Shqiperia varet nga Serbia per lenden me jetike qe eshte gruri i cili ben buken...Dhe kur e di dhe e njeh historine e gjate te dashurise dhe miqesise qe ka vendi yne me hordhite sllave te cilat i perfaqeson denjesisht Serbia behet akoma me e frikshme pamja e te ardhmes qe i pret shqiptaret te cilet jetojne ne Shqiperi.
PërgjigjuTi luftën e Kosovës e talle së bashku me vuçiçin fashistin o i marrë po për afar lufte flet tani ti o agjent rusi
PërgjigjuJemi vendi me i varfer dhe i korrupruar i Europes dhe nder me te varfrit ne bote.Ti na krahason me protestat e Frances.Po ato X5 ne 10 vite pushtet ti ja bere me korrupsion e mafie o mashtrues.Me 10 veta sahanlepires do besh show mediatik?Avash se do shikosh kur te ngrihet vertet populli cila esht forca e tij.
PërgjigjuIk o edi ramA ..Ik I hajdut I felliqur...te dha Europa 1 Millard euro per rindertimin...ndertove 30 pallate. .te tjerat I vodhe...vdeksh ishallah..bashke me ilir e sali....
Përgjigju30 pallate? Ti ke nevoj per ndihme. Nuk ka mundesi te jesh kaq qorr.
Keqardhje! Ky kryeminister eshte komplet sharlatan dhe i papergjegjshem. Turp!
PërgjigjuI dashur Edi Rama! Zhvillimet globale po rrezikojnë ekonominë tuaj "të brishtë". Do t'ju duhet t'u thoni lamtumirë oligarkëve tuaj tani! Ju e dini se si ta bëni këtë! Punoni 24 orë me Belinda për të krijuar 5% të pasur, 80% klasë të mesme, 15% klasë me të ardhura të ulëta. Nuk keni shumë kohë. Në vitin 2013 e nisët mirë por e harruat objektivin tuaj! Paratë ishin të ëmbla! Nëse nuk ia del dot me vendime “radikale”, nuk do të duhet parti opozitare, do t’i japësh fund vetes!
PërgjigjuArrestoni Salihun e Meten se si spiune ruse po bejne te mundur destabilizimin e Shqiperise.
Përgjigju....Salihu spiun i Rusise! Wtf
Paketa sociale me 7 pika eshte me e mira e mundeshme qe mund te bej qeveria ,dhe per kete Rama duhet pergezuar.Por ajo qe me shqetson eshte mos reagimi ne kohe i qeverise ,kur dihet qe ne situata te tilla ka reagime shteterore per te perballuar situaten ,dhe jo te presim protestat ,te cilat ne demokraci jane shume te domosdishme dhe normale.Bllokimi i rrugeve ne asnje vend demokratik nuk eshte i lejueshem dhe shteti reagon E fundit ate krim qe bene qeverite e tjera parardhese me naften te mos e bej Rama. Nga 1991 deri para pak kohe nafta eshte vjedhur dhe shperdoruar.Sot kontrata me Shellin 50% me 50% e ndarhes se futimit qe ne nxjerrje eshte me e mira qe eshte realizuar ne keto 30 vjet Investoni ne kompanine shteterore Albpetrol per gaz dhe nafte se po ja late privatit ,me keq se sot do jete situata.Energjia e tund shtetin nga themelet prandaj fuhet vleresuar shume . Imagjinini te ishin privatizuar hidrocentralet e kaskades se Drinut cfar tmerri do te ndodhte . Sala dhe Nano shkaterruan sitemin e hidrokarbureve ne Shqiperi
Përgjigju