Rama akuzoi Ministrinë e Mbrojtjes dhe drejtuesin e saj Flamur Noka, për paaftësi dhe lidhje me krimin e organizuar, duke i bërë fajtorë për vdekjen e Musa Skurës. Në replikë me këto akuza, duke i cilësuar shpifje, Noka tha se Rama ka qëllime të mbrapshta dhe se ka zgjedhur të shfryjë dufe primitive ndaj policisë së Shtetit.
RAMA: MINISTRI I BRENDSHEM SHITI LOJEN, KRIMI VRAU KOMISARIN
Nga selia rozë kryetari i Partisë Socialiste lëshoi sot akuza tepër të rënda për paaftësi dhe lidhje me krimin e organizuar të kupolave drejtuese të Ministrisë së Brendshme. Rama bën me faj këtë kupolë drejtuese edhe për vdekjen e shefit të krimeve të Burrelit, Musa Skura i cili ndërroi jetë mbrëmjen e djeshme në spitalin “Padre Pio” të Foxhias në Itali pas plagëve të marrë gjatë një operacioni për arrestimin e disa personave të kërkuar për shitje municionesh.
"Krimi vrau një tjetër shërbëtor të shtetit. Policia e shtetit është e tradhtuar, e abuzuar e rrënuar. Raporti profesionalizëm klientelizëm partiak është përmbysur kokë poshtë dhe këto janë rezultatet. Struktura e drejtimit është e fryrë dhe e paakuptimtë. Kupola drejtuese është e inkrimuar dhe e paaftë. Ministri i Brendshëm është një partiak i rëmdomtë por i llojt më të keq”- tha Rama.
Ai bëri fajtor strukturat drejtuese të Ministrisë edhe për dështimin e sigurisë dhe rendit. “72 % e shqiptarëve kanë mendimin se gjëndja e sigurisë është e keqe. Kjo është shifër e paparë asnjëherë dhe shifra më e lartë në të gjithë historinë e këtij tranzicioni pas vitit 1997”- tha Rama. Kreu i PS-së sulmoi drejtëpërdrejtë dhe ministrin e Brendshëm Flamur Noka. “Ministri i Brendshëm partiak i rëndomtë. Bën papagallin e kryeministrit dhe merret vetëm me vendosje njerëzish e strukturash në funksion të zgjedhjeve.”
Sipas Ramës 'të luftosh me krimin sot është si të luash në një ndeshje të shitur... Komisarët janë dekurajuar teksa shohin kolegët e tyre të vriten"- tha Rama duke premtuar se brenda 300 ditëve të para të qeverisë së tij do i kthejë dinjitetin policisë. “Premtoj se në 300 ditët e para të qeverisjes shqiptarët do të shohin me sytë e tyre një polici shteti që nuk e kanë më parë asnjëherë dhe në rrugët e rilindjes do të ketë prova të qarta të vënies së policisë së shtetit në shërbimin e tyre si një garanci për sigurimin e tyre. Nëse loja nuk shitet në kupolën e Ministrisë së Brendshme, skuadra e policisë fiton në cdo ndeshje me krimin dhe kriminelin”- tha Rama.
RAMA: NOKA PO NGRE STRUKTURE PER MBAJTUR PUSHTETIN
Kreu i PS-së shkoi më tej duke e akuzuar ministrin Flamur Noka se po ngre struktura për të mbajtur pushtetin. “Noka merret vetëm me vendosje njerëzish e strukturash në funksion të zgjedhjeve. Së fundi është shpikur një funksio i ri i zv drejtor i rendit ku po vendosin njerëz që do të marrin rrogën e shtetit për të ndihmuar mbajtjen e shtetit”- tha Rama.
NOKA: RAMA SHPIF, SHFRYN DUFE PRIMITIVE NDAJ POLICISE
Pas akuzave të kryesocialistit Rama se Ministria e Brendshme dhe drejtuesi i saj ka lidhje me krimin e organizuar dhe njëkohësisht duke e bërë me faj për vdekjen e shefit të krimeve të Burrelit, Musa Skura, kundërakuza ka ardhur nga vetë Ministri Noka i cili i cilësoi shpifje fjalët e kreut të PS.
Nëpërmjet një deklarate për mediat pasditen e sotme, ministri i Brendshëm Flamur Noka tha se shefi i opozitës “ prezantoi sot 2 qëllime të mbrapshta: qëllimin për të intimiduar Policinë e Shtetit dhe qëllimin për të inkurajuar dhe motivuar botën e krimit e individëve me precedentë penalë, që ka mbledhur në kupolën politike të Partisë Socialiste dhe që synon t’ i përdorë në fushatën e ardhshme elektorale, ashku sikundër ka vepruar edhe në të shkuarën".
“Deklarata e tij se do të krijojmë polici të re, është për të ardhur keq pasi është halucinacion i radhës”, theksoi ministri Noka. Sipas Nokës, Edi Rama shfryn dufe primitive, siç i cilësoi ministri akuzat ndaj policisë së Shtetit, dhe për këtë arsye sipas tij, shqiptarët do ta “hedhin në koshin e plehrave platformën e Ramës”.
Edhe pse theksoi se deklarata e tij nuk është një replikë ndaj Ramës, pasi sipas Nokës ato janë shpifje, ministri parashikoi të ardhmen e Partisë Socialiste në zgjedhjet e 23 Qershorit, kur tha se “Edi Rama është i pashpresë, përdorimi me precedentë penalë në zgjedhjet lokale të 2011 dhe mbështetja e tyre nga një enturazh deputetesh të përfshirë në struktura ndërkombëtare të krimit të organizuar, e çoi atë në humbje. I njëjti fat e pret edhe në zgjedhjet e 23 qershorit.”
Deklarata e ministrit të Brendshëm nisi me shprehjen e ngushëllimeve në lidhje me ndarjen nga jeta të Musa Skurës, shefi të krimeve të Burrelit i cili ndërroi jetë në spitalin e Foggias në Itali, pas plagëve të marra gjatë një operacioni policor për kapjen e disa personave të përfshirë në trafikun e fishekëve.
Redaksia Online
(sg/Gre.M/Shqiptarja.com)
Lajme të tjera
-
Dosja/ Zbardhen planet në Sky Ecc të Suel Çelës për të ekzekutuar me snajper Ardian Çapjan: Atë e kishte karamele, qëllon deri në 1 mijë metër! Pse dështoi atentati
26 Nëntor, 22:51 -
DOSJA/ 'Do e marrim si kec në tavë, mos t’i gjendet as nam e as nishan', ja si banda e Suel Çelës planifikoi vrasjen e 'Vis Korçarit'
26 Nëntor, 22:45 -
Kaq afër zgjedhjeve a ia vlen të harxhosh energji me protesta politike?
26 Nëntor, 22:44
-
SPAK e akuzon Artan Hoxhën për lidhje Suel Çelës, Muça në ‘Repolitix’: Axhendë në shërbim të klanit! Çaça: Kur bëhesh kundër një grupi tjetër, je pjesë e organizatës
26 Nëntor, 22:38 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
Goditja e grupit të Suel Çelës, avokati në ‘Repolitix’: SkyEcc ka hapur një ‘kuti’ që s’e dimë kur do mbarojë
26 Nëntor, 22:15 -
Dosja e Suel Çelës, Meçe në ‘Repolitix’: Lidhjet me Artan Hoxhën, manipuloi hapësirën mediatike në shërbim të grupit kriminal! Mori zarfin në dorë
26 Nëntor, 22:10 -
Biden: Po pranimit nga ana e Izraelit të marrëveshjes për një armëpushim në Liban
26 Nëntor, 22:02 -
Protesta e PD, rritet numri, 44 protestues të shoqëruar në polici
26 Nëntor, 21:46 -
Kryeministri australian e pranon me krenari: Jam shqiptar, kam rrënjë arbëreshe (VIDEO)
26 Nëntor, 21:38 -
Pak orë pasi Netanyahu pranoi armëpushimin, Izraeli sulmohet me 3 raketa të lëshuara nga Libani
26 Nëntor, 21:37 -
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
