POP 5

Lajmet më të lexuara të 5 minutave të fundit

Politikë

Rama prezanton kandidatët e
Durrësit: Fund  rrënimit ekonomik

Gjatë një takimi me qytetarët e Durrësit, kreu i PS-së, Edi Rama ka prezantuar sot kandidatët e Durrësit për zgjedhjet e 23 Qershorit dhe u ka kërkuar simpatizantëve të tregojnë me votë qëndrimin e tyre.
Rama prezanton kandidatët e <br />Durrësit: Fund  rrënimit ekonomik
TIRANË – Ofrimi i shërbimit shëndetësor falas dhe ulja e nivelit të i analfabetizmit në vend do të jenë dy nga sektorët kryesorë, në vëmendje të Partisë Socialiste. Gjatë një takimi me qytetarët e Durrësit, ku kreu i PS-së, Edi Rama ka prezantuar kandidatët për zgjedhjet e 23 Qershorit, u ka kërkuar atyre të tregojnë me votë qëndrimin e tyre. Në fjalën e tij Rama tha se qytetarët “duhet t’i japin fund rrënimit, dhe të kërkojnë një sistem shëndetësor, ku shërbimi ofrohet falas, e nuk duhet të vuash për shkak të mungesës së të ardhurave”.

Shkalla e lartë e analfabetizmit në vend sipas Ramës është një tjetër problem shqetësues. “Nëse studimet tregojnë se 57 % e nxënësve shqiptarë janë analfabetë funksionalë, kjo është shumë shqetësuese. Programi ynë synon t’i japë fund kësaj situate”, theksoi kreu socialist.

RAMA NE DURRES, PREZANTON KANDIDATET PER DEPUTETE

Kryetari i PS-së, Edi Rama, ka prezantuar sot kandidatët socialistë për deputetë të qarkut të Durrësit. Ai vetë ka udhëtuar me autobus drejt Durrësit së bashku me ekipin e tij “Rilindje”, ku gjatë rrugës i është përgjigjur pyetjeve të gazetarëve, duke i transmetuar ato direkt në mediat nëpërmjet “iPAD”-it të tij personal. Nga Durrësi, Sekretari i PS-së për Ekonominë, Ilir Beqja, tha se "Partia Socialiste ka një program ekonomik, që synon eliminimin e krizës dhe krijimin e më shumë mundësive për qytetarët. Për 4 vitet që vijnë do të krijojmë 400 mijë vende pune".

"MIRENJOHJE PER PJESETARET E PS QE NUK JANE PJESE E LISTAVE"

Në takimin e tij me qytetarët e Qarkut të Durrësit, ku prezantoi kandidatët për deputet të këtij qarku për zgjedhjet e 23 Qershorit, Kreu i Partisë Socialiste, ka shprehur mirënjohje për 3 pjesëtarë që nuk janë pjesë e listave. Edi Rama tha se Gazmir Bizhga, deputeti Hazir Gashi dhe Edison Konomi janë ndër anëtarët që kanë kontribuar në programin e Partisë Socialiste.

" ME VOTE, QYTETARET DO T’I JAPIN FUND RRENIMIT"

Me votën e 23 qershorit qytetarët do të kenë mundësinë të zgjedhin programin që i vjen më shumë në ndihmë atyre në jetën e përditshme. Kreu i PS-së, ftoi qytetarët e Durrësit, Fushë-Krujës, dhe Krujës të votojnë programin e Aleancës për Rilindje në mënyrë që “t’i jepet fund rrënimit, dhe të mundësohet punësim real, taksë e drejtë në vend të asaj të sheshtë, konkurrencë e lirë dhe takse zero për biznesin e vogël”. Sipas kreut socialist me programin e ri, qytetarët shqiptarë do të mund të përfitojnë shërbim shëndetësor falas, si dhe më shumë mundësi për të përballuar kostot e vështira të jetesës.

Në qarkun e Durrësit janë në garë: 1.Blendi Klosi; 2.Klodiana Spahiu; 3.Ilir Beqaj; 4.Namik Dokle; 5.Gentian Bejko; 6.Artur Bushi; 7.Shkëlqim Troplini; 8. Jurgis Çyrbja; 9.Sokol Sula; 10.Ardian Kokomani; 11.Gëzim Agasi; 12.Taulant Xheraj;13.Esmeralda Shkjau.

Redaksia online
(e.s/ ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Elbasan/ Theu masën e sigurisë ‘Arrest në shtëpi’, në pranga 35 vjeçari

Elbasan/ Theu masën e sigurisë ‘Arrest në shtëpi’, në pranga 35 vjeçari

27 Nëntor, 15:20