Kryeministri Edi Rama prezantoi në Mirditë kandidatin për kryetar bashkie për zgjedhjet lokale të 30 qershorit, Gjergj Ndreca. Gjatë fjalës së tij ai u shpreh i vendosur se zgjedhjet nuk mund të shtyhen se një forcë politike i trembet rezultatit të tyre, duke iu referuar qëndrimit të opozitës.
Ai tha se me 30 qershor, Shqipëria ndahet nga hienat që e trajtojnë Shqipërinë si një plaçkë të veten.
Ashtu si në Kurbin, Rama foli edhe për akuzat e Berishës lidhur me incidentin e ndodhur në protestën e djeshme të opozitës ku u lënduan dy persona si pasojë e konfrontimeve me njëri-tjetrin.
Kreu i qeverisë kujtoi edhe njëherë marrëveshjen e 17 majit kur ashtu si sot Basha trembej të futej në zgjedhje.
Ai ironizoi kryedemokratin Lulzim Basha duke thënë se për sa kohë ai të jetë në krye të PD, ajo nuk do bëjë asnjë hap para.
Kryeministri Edi Rama kujtoi nga Mirdita marrëveshjen e 17 Majit të 2017 me liderin demokrat Lulzim Basha
"Në kohën e çadrës e këndonte himnin një këngëtar, sot e këndon ky që nuk di të bëjë asnjë punë. Të gjithë i lanë. E mora për dore i thashë dëgjo ku po shkon. E kupton që edhe një hap, je në greminë. I thashë çfarë do, i thashë merre kë të duash. Drejtësinë, arsimin, burgjet se te burgjet e kanë mendjen gjithë kohës. Këta kanë dhënë edhe leje shtatëzanie për kriminelët", tha Rama.
Kryeministri Edi Rama ironizoi nga Mirdita kryedemokratin Lulzim Basha duke thënë se për sa kohë ai të jetë në krye të PD, ajo nuk do bëjë asnjë hap para.
"Ai katër vite drejtoi Tiranën dhe nuk rregulloi as sahatin e Tiranës. Tiranës i ngeli ora për 4 vite ndërsa PD do i ecë ora deri të drejtohet prej tij. Ata kanë frikë nga zgjedhjet se e dinë që humbin, se njerëzit që ata i marrin për budallenj nuk i hanë broçkullat e tyre. Ata dinë ta bëjnë dallimin", tha Rama.
Kryeministri Edi Rama foli edhe nga Mirdita lidhur me akuzat e rreme që Sali Berisha bëri për dhunë të pretenduar nga policia ndaj dy protestuesve të opozitës.
"Plaku i mban lidhur si tespie dhe pastaj thotë se janë dhunuar babë e bir. Pastaj dalin pamjet që babë e bir kishin shkuar në protestë dhe kishin ngrënë një dru nga huliganët me shufra hekuri. Ky është një shembull se njerëzit me mend nuk duhet të shkojmë më në protestë se do lënë kokën. Plaku i nxori si heronj të demokracisë por ata ishin viktima të dhunës nga një grup njerëzish të marrë fund. Ata janë dembelë të mëedhenj. S'ka pasur Shqipëria njerëz më të paaftë", tha Rama.
Gjatë fjalës së tij në Mirditë, kryeministri Edi Rama bëri një krahasim të Mirditës para se të merrte drejtimin PS me situatën që ishte më herët
"Nuk është fare e vështirë që secili nga ju të bëjë hesape, si ishte Mirdita para 4 vitesh dhe si është sot. Nëse e shohim me sytë e së ardhmes ka ndryshim, se Mirdita nuk mbaron aty ku mabrojnë zonat ku është ndërhyrë. Kur vijë në Rrëshen para disa vitesh të dukej sikur do humbje rrugën. kur vije këtu nuk kishte asnjë lloj shenje jete të re por vetëm çfarë kishte humbur. Nuk lanë mbrapa asgjë përvec rrënojave të një rruge", tha Rama.
Kryeministri Edi Rama se bojkoti i zgjedhjeve për teka të një partie politike është një gjë që nuk ndodh në asnjë vend të botës dhe është e pamundur, anikushtetuese.
"As në Ballkan as në Europë dhe askund në planet nuk ka pasur një parti politike që përveçse i bojkoton zgjedhjet të kërcënojë popullin se nuk do ta lërë të votojë. Kjo është e pamundur. I kanë treguar si njerëz me bisht që nuk bëjnë dot shtet. Shqipëria nuk mund të tregohet me gisht se një grusht njerëzish nuk arrijnë dot të bëjnë zgjedhje sipas kushtetutës se një grup poplitik çmendet dhe kërcënon popullin. Shqiptarët duhet të arsyetojnë si shqiptarë në radhë të parë. Pavarësisht se mund të protestojnë kurrë të mos ia bëjnë atdheut të fëmijëve të tyre këtë gjë. Jemi në fushatë zgjedhjesh me një kundërshtar që nuk do zgjedhjet. Kjo betejë se si do jetë Shqipëria pas 30 qershorit për t;u ndarë nga hienat që e trajtojnë Shqipërinë si një plaçkë për veten. Prandaj dhe iu ka mbirë në majë të gjuhës vjedhja. prandaj sa herë flitet për një punë mendojnë vjedhjen se kështu i kanë bërë punët e tyre", tha Rama.
Komente
Lajme të tjera
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20
O Edi Rama mos u mer me wc si lyli e krimineli salhe. Po vazhdo përpara e kshu i bën popullin për vete. Populli s'është budalla e ndan të keqen nga e mira. Suksese Edi Rama.
Përgjigju