Kryeministri Edi Rama përmes një videoje në Facebook ka prezantuar projektin e rrugës Kardhiq – Delvinë, e cila parashikon edhe një tunel. Ai shkruan se është një nga projektet e paketës transformuese për ekonominë dhe turizmin. Kryeministrin premton se tanimë do të kthehet nga 3D në kantier ndërtimi në muajin shtator.

Me këtë tjetër projekt madhor të Programit Kombëtar të Rrugëve për Shqipërinë që duam, për një aks strategjik për turizmin dhe ekonominë kombëtare, Delvinë-Kardhiq, premtuar njëzet vjet me radhë e inauguruar me daulle elektorale për t’u lënë rrugëve si të tëra rrugët e tjera që trashëguam, por që tanimë do të kthehet nga 3D në kantier ndërtimi në muajin shtator

Edi Rama

 

Rendit zhvillimet sipas orarit:
Ora 12:06
Aksi Kardhiq-Delvinë, Shehu: Punimet u ndaluan pas 2013, është rritur kostoja e përfundimit

Ish-deputeti i PD-së, Tritan Shehu, ka reaguar me anë një statusi pas videos së postuar nga kryeministri Rama ku njotohej fillimi i punimeve në aksin Kardhiq-Delvinë.

Në statusin e tij, Shehu shkruan se pas 2013 punimet e arritura në 40% u braktisën duke sjellë dëme në turizëm, ekonomi dhe në shërbimin ndaj qytetarëve.

Sipas specialistëve kjo ndërprerje ka rritur koston e përfundimit të kësaj rruge në rreth 80-90% tq vlerës së saj. Kjo është Qeveria vetëm e fjalëve dhe e 3D-ve, shumë larg realiteteve.

Tritan Shehu