POP 5

Lajmet më të lexuara të 5 minutave të fundit

Kultura

Rama promovon librin “I besojmë
mosbesimit” të Ivan Kastev

“I besojmë mosbesimit”, kështu titullohet libri i cili vjen për lexuesit shqiptar nga Ivan Krastev. Eksperti i politikës ballkanike ngre pyetjen: A mund të mbijetojë demokracia kur ne nuk u besojmë liderëve tanë? I pranishëm edhe kryeministri Edi Rama. VIDEO
TIRANE- “I besojmë mosbesimit”, kështu titullohet libri i cili vjen për lexuesit shqiptar nga Ivan Krastev. Eksperti i politikës ballkanike ngre pyetjen: A mund të mbijetojë demokracia kur ne nuk u besojmë liderëve tanë? Drejtori i Institutit të Medias, institucionit që ka botuar librin e politologut bullgar, e cilëson këtë libër si një reflektim për demokracinë.
 
Në këtë libër autori e ka fjalën jo për demokracinë si ideal, por si bashkësi institucionesh.
 
“Mosbesimi në qeverisje po penetron në të gjithë vendet e botës me përjashtim të disa shteteve, unë shtroj pyetjen pse dhe a është diçka pozitive. Mendoj se mosbesimi është diçka shumë e mirë për demokracinë, sidomos për shtete të cilat i kanë besuar për shumë kohë qeverisjeve. Por nga ana tjetër, nëse vazhdojmë t’i trajtojmë politikanët si kriminelë atëherë do të përfundosh duke pasur politikanë kriminelë. Ky libër dëshiron të diskutojë me ata njerëz që mendojnë se transparenca e politikanëve është e mjaftueshme. Nuk ka gjë më të dyshimtë se transparenca. Sa më transparentë të jenë politikanët tanë, aq më tepër teori konspirative ndërtohen”, u shpreh autori Ivan Krastev.
 
Në prezantimin e librit gjatë kësaj të enjte në ambientet e Institutit të Medias mori pjesë kryeministri Edi Rama dhe anëtarë të kabinetit të tij, personalitete të artit dhe të kulturës.

Kush është Ivan Krastev
Ivan Krastev është president i Qendrës për Strategji Liberale në Sofje, Bullgari dhe "fellow" i përhershëm në Institutin e Shkencave Humane në Vjenë. Në 2008, revista "Foreign" Policy e përfshiu në listën e 100 intelektualëve publikë me më shumë influencë në botë. Krastev është një njohës i thellë i cështjeve ballkanike dhe sidomos i marrëdhenieve të Rusisë me Perëndimin.
 
"I besojmë mosbesimit" u botua vitin e kaluar fillimisht në SHBA. Libri është një refleksion i gjatë i autorit rreth asaj që shumë njerëz e konsiderojnë si kriza e demokracisë sot në botë.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Atentati në Vlorë, dëshmon Kevin Hajrulla: Nuk kam konflikte me njeri! Inezin e kam kushëri, por kontaktet i kemi të rralla

Atentati në Vlorë, dëshmon Kevin Hajrulla: Nuk kam konflikte me njeri! Inezin e kam kushëri, por kontaktet i kemi të rralla

11 Janar, 18:45 nga Armand Xhelili