Kryeministri Edi Rama ka publikuar pamjet nga kantieri për zgjerimin e kapaciteteve ankoruese në Portin e Peshkimit Durrës.
Në një postim në Facebook, kreu i qeverisë thotë se ky investim është i rëndësishëm që po zbatohet nga Ministria e Bujqësisë dhe se vjen pas kërkesës së komunitetit të peshkatarëve.
Sipas Ramës Porti i Peshkimit do të integrohet me portin e ri turistik. Në këtë mënyrë ai do të bëhet i aksesueshëm nga banorët, vizitorët dhe turistët e Durrësit përmes një aksi këmbësor me njësi shërbimesh dhe Markatën e Peshkut.
![](https://shqiptarja.com/template/img/NO_ALFA_Kuadrate shqiptarja.png)
“Ky është kantieri për zgjerimin e kapaciteteve ankoruese në Portin e Peshkimit Durrës, një investim i rëndësishëm që po zbatohet nga Ministria e Bujqësisë si reagim ndaj një kërkese këmbëngulëse të komunitetit të peshkatarëve. Porti i Peshkimit do të integrohet në vijim me Portin e Ri Turistik, duke u bërë i aksesueshëm nga banorët, vizitorët, turistët e qytetit bregdetar, përmes një aksi këmbësor me njësi shërbimesh dhe me Markatën e Peshkut, e cila përbën një atraksion më vete në qytetet turistike bregdetare”, shkruan Rama
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)