Rama: Qeveria do vazhdojë me planin e kursimit të energjisë, por nuk do të ketë masa ekstreme

Kryeministri Rama tha se qeveria do të ketë një plan kursimi të energjisë, por që nuk do të përfshijë masa drastike siç mund të jetë ndërprerja e energjisë. Ai theksoi se rritja me  42 lekë e çmimit për ato që shpenzojnë mbi 800 kilovat do të bëhet që pesha të mos rëndojë mbi konsumatorët e tjerë që janë në gjendje më të dobët ekonomike.

“Të gjithë ekspertët ndërkombëtarë e konsiderojnë jo të arsyeshme për të mos e prekur çmimin e energjisë për konsumatorët familjarë dhe biznesin e vogël. Masa shkon tek ata që konsumojnë më shumë, kanë më shumë dhe përbëjnë vetëm 4% të të gjithë konsumatorëve. Ne besojmë që kjo masë është drejtë, pasi nuk kanë pse të paguajnë të tjerët për ata që kanë pishina e ndriçim. Ne do të vazhdojmë edhe me planin e kursimit por pa hyrë në masa drastike që po i marrin vend shumë më të zhvilluara se ne. Duam që të kemi ndjesinë e një fakti të thjeshtë, në këtë përpjekje të madhe jemi të gjithë bashkë. Të dalim të gjithë nga kjo krizë siç dolëm nga tërmeti e pandemia, jo më të dobët, por më të fortë”, u shpreh Rama.

D.GJ/Shqiptarja.com

TAG:
• edi rama
• kriza energjetike