Rikualifikimi i peizazhit në pikat hyrëse doganore synon unifikimin e paraqitjes së njësive të shërbimit, si prezantimi i parë i turistëve të huaj me Shqipërinë.

Rritja e ndjeshme e numrit të turistëve gjatë sezonit veror, por edhe e automjeteve i kanë kthyer pikat doganore të Hanit të Hotit dhe Murriqanit, ndër më të rëndësishmet e sistemit doganor në vend.

Kryeministri Edi Rama ndau sot disa foto të “pikave doganore të Hanit të Hotit dhe Murriqanit, kushte dinjitoze mikpritjeje në kuadër të uniformizimit të pikave hyrëse nga toka në vend dhe në funksion të mirëseardhjes e lehtësimit të intensitetit të shtuar të pasagjerëve përgjatë sezonit veror”.

Projekti i rikualifikimit të peizazheve në pikat doganore synon të ofrojë një mikpritje dhe përcjellje dinjitoze të vizitorëve që hyjnë në vendin tonë.

Projekti i Ministrisë së Turizmit dhe Mjedisit në koordinim institucional me Autoritetin Rrugor Shqiptar dhe Drejtorinë e Përgjithshme të Doganave, ka nisur fillimisht në pikat doganore më të rëndësishme për sa i përket flukseve turistike, për të vazhduar më pas në të gjithë territorin.

H.K/Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Qershor, 07:51

    Shqipëria barazon me Letoninë, besoni te kualifikimi në Botëror?