POP 5

Lajmet më të lexuara të 5 minutave të fundit

Politikë

Rama: Saliu ose tallet ose i ka
thënë mendjes tungjatjeta!

Kryetari i Partisë Socialiste, Edi Rama ironizoi në fjalën e tij kryeministrin Berisha për 68-vjetorin e lindjes, duke i uruar jetë të gjatë për të parë se sa dëme i ka bërë vendit dhe se sa e mundur është sipas tij, Shqipëria Evropiane. Kreu i PS-së, Edi Rama vuri theksin mbi përfaqësimin e grave në vendimmarrje, pasi në këtë formë, sipas tij mund të bëhet e mundur “Rilindja shqiptare”.
Rama: Saliu ose tallet ose i ka <br />thënë mendjes tungjatjeta!
TIRANE - Kryetari i Partisë Socialiste, Edi Rama ironizoi në fjalën e tij kryeministrin Berisha për 68-vjetorin e lindjes, duke i uruar jetë të gjatë për të parë se sa dëme i ka bërë vendit dhe se sa e mundur është sipas tij, Shqipëria Evropiane.

“Sot Saliu tha se gjatë ditëlindjes së tij kishte pasur një komunikim me Zotin dhe se e kishte mbyllur punën e mandatit tjetër. Kur një i parë qeverie shpall Zotin pjesëtar të qeverisë së vet, ose tallet me popullin ose i ka thënë mendjes së tij tungjatjeta. Nuk ka faj, Ai lartë do ta ndihmoj, vetëm se atë nuk e blen dot nuk e korrupton dot, nuk e fut dot në oborrin e vet.”, -deklaroi kryesocialisti Rama gjatë fjalës së tij në forumin e gruas socialiste.

Kreu i PS-së, Edi Rama vuri theksin mbi përfaqësimin e grave në vendimmarrje, pasi në këtë formë, sipas tij mund të bëhet e mundur “Rilindja shqiptare”.

“Jam i idesë të përfshijmë sa më shumë gra dhe vajza dhe t’i nxjerrin burrat nga hija ku kuvendojnë dhe të bëjnë të mundur Rilindjen Shqiptare”,- theksoi Rama. Në lidhje me pjesëmarrjen e grave në politikë, Edi Rama përmendi emra të grave socialiste të cilat sipas tij janë shembulli i femrave të suksesshme në politikë, si Arta Dade, Vasilika Hysi, etj.

Kryesocialisti Rama akuzoi kryeministrin Berisha se është i zhytur në korrupsion. Rama tha se modeli ekonomik i Berishës është rritja e papunësisë, ndërsa theksoi se modeli i Partisë Socialiste është hapja e vendeve të punës. “Ne nuk duam të ndryshojmë kryeministrin me një tjetër, ne duam të ndërtojmë Shqipërinë Evropiane”, vijoi lideri i së majtës.

Së fundmi, Rama theksoi se do të Partia Socialiste me ardhjen e saj në pushtet do të anulojë ligjin për importin e plehrave, do të heqin taksën për bizneset dhe se “arsimi publik duhet të jetë përballë testit, duhet të akreditohen Universitetet private”.

(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Goditja e grupit të Suel Çelës, avokati në ‘Repolitix’: SkyEcc ka hapur një ‘kuti’ që s’e dimë kur do mbarojë

Goditja e grupit të Suel Çelës, avokati në ‘Repolitix’: SkyEcc ka hapur një ‘kuti’ që s’e dimë kur do mbarojë

26 Nëntor, 22:15