Rama: Shërimi i korrupsionit,
vetëm nga reformat e thella
Në ditën ndërkombëtare të luftës kundër korrupsionit qeveria shqiptare së bashku me prezencën e OSBE/ODIHR në vendin tonë, prezantoi dje draftin e parë të strategjisë kombëtare kundër korrupsionit 2014-2017.
TIRANE- Në ditën ndërkombëtare të luftës kundër korrupsionit qeveria shqiptare së bashku me prezencën e OSBE/ODIHR në vendin tonë, prezantoi dje draftin e parë të strategjisë kombëtare kundër korrupsionit 2014-2017. Drafti prezantua nga ministri i Shtetit për Çështjet Lokale, Bledar Çuçi i cili tha se lufta kundër korrupsionit është prioritet bazë i qeverisë Rama. Sipas tij “dokumenti i strategjisë do të jetë i shkurtër por dinjitoz. Ai do të bëj të mundur që lufta kundër korrupsionit të jetë e matshme. Procesi i hartimit të strategjisë do të jetë i hapur, institucionet do përfaqësohen do të japin mendimet e tyre”.
Gjatë fjalës së tij, kreu i qeverisë, Edi Rama theksoi rëndësinë e zbatimit të programit të qeverisë në 100 ditët e para të punës së saj. Ai nënvizoi se shërimi ndaj korrupsionit, i cili ngjan si një kancer agresiv, qëndron tek reformat e thella, por jo luftës së institucioneve siç kishte bërë qeveria e kaluar e cila më shumë kishte folur dhe më shumë kishte lejuar që korrupsioni të kapte shtetin. “Nuk duhet të harrojmë se nuk janë njerëzit që korruptojnë sistemin por sistemi korrupton njerëzit.
Nuk është betejë mes ëngjëllit dhe djallit por i të ardhmes, modernizimit dhe të shkuarës çoroditëse. Kemi braktisur luftën që bëhej dikur, me Presidentin, me Prokurorin, me Gjykatat sepse ne kemi besuar se ajo luftë nuk do sjellë asnjëherë rezultate dhe ja ku janë rezultatet, korrupsioni nuk është luftuar. Duhet t’i përgjigjemi me një reformë të thellë administrative e territorial duke mos lejuar që një numër kaq i madh njerëzish të marrin një sasi kaq të konsiderueshme parash dhe të mos kthejnë mbrasht asgjë por të bëhen burime që gjenerojnë korrupsion.
BE dhe OSBETë pranishëm në këtë konferencë ishin edhe kreu i Bashkimit Europian , Etore Sequi, i cili nënvizoi që kjo strategji 2014-2017, të ishte realiste. “Korrupsioni është sëmundje që dëmton institucionet. Niveli i qartësisë së politikave ndikon drejtëpërdrejti tek ata që do e zbatojnë”, tha ai. Ndërkohë që zv.ambasadori i OSBE, Robert Wilton vuri theksin që ky draft të jetë i zbatueshëm. “Korrupsioni nuk është një gjë që po vjen me aeroplan në Rinas. Korrupsioni është një fenomen social politik. Në 2013 indeksi i korrupsionit shënoi një rënie në perceptimin e qytetarëve. Nevojiten urgjentisht masa konkretet për t’i dhënë fund këtij fenomeni”,tha ai.
Naço: Ulen tarifat gjyqësore: Prokuroria kundër qeverisëMinistri i Drejtësisë Nasip Naço gjatë një seance dëgjimore për Progres Raportin 2013 në Komisionin e Ligjeve, u shpreh se reforma në sistemin gjyqësor në vend do të vijojë. Duke u ndalur tek sistemi i drejtësisë në vend, ministri Naço tha se duhet të reformohet edhe Gjykata e Lartë. Ndërkohë që Prokuroria e Përgjithshme i kërkon Ministrisë që të rishohë ndryshimet në dy ligjet e sjella në Kuvend. Sipas organit të akuzës nuk duhet që të jenë në kompetencë të Gjykatës së Krimeve të Rënda dhe rrjedhimisht edhe të Porkurorisë për Krimet e Rënda, pasi në të kundërt do të krijohej zvarritje e proceseve dhe ndikim negativisht në efikasitetin e kësaj prokurorie.
Shkrimi u publikua sot (10.12.2013) në gazetën Shqiptarja.com (print)Redaksia Online
(d.d/shqiptarja.com)
Sondazhi i ditës:
Skandali tek Onkologjiku, e kujt është përgjëgjesia?
-
Mjekëve
39.6%
-
Ministrisë
57.5%
-
Nuk e di
2.9%
Vota total: 2406
Votat totale janë unike
Lajme të tjera
-
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59
-
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51
-
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
-
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27
-
Prezenca e OSBE-së organizon vizitë në Suedi për gazetarët shqiptarë, për të përmirësuar raportimin për çështjet e sigurisë
13 Prill, 14:03
-
Ambasadorët e QUINT-it në OSBE vizitë në Shqipëri: Përmbushni rekomandimet e ODIHR për reformën zgjedhore
19 Mars, 17:52
-
Gjiknuri dhe Alibeaj takohen me përfaqësuesit e ODIHR-it, dakordësim për mënyrën e hartimit të drafteve ligjore për ndryshime në Kodin Zgjedhor
4 Mars, 17:30
-
OSBE trajnon qentë…
2 Mars, 18:06
-
Celibashi takon kryetaren e misionit të OSBE-së: Zhvilluan një bisedë të thelluar mbi Reformën Zgjedhore në Shqipëri
16 Shkurt, 15:34
-
Sot Dita Ndërkombëtare Përkujtimore e Holokaustit, ish-ambasadori i OSBE: Si i shpëtuan shqiptarët hebrenjtë nga nazistët
27 Janar, 08:59
-
Një ditë para mbledhjes së komisionit për 'Zgjedhoren', OSBE apel deputetëve: Kontribuoni për një proces parlamentar funksional
18 Janar, 16:50