Rama sjell një tjetër zë pro Teatrit/ Marjana Kondi: E kuqja e sallës ishte skuqja nga turpi i një shpirti që vuante

TIRANË-Aktorja Mariana Kondi është personazhi i radhës, që kryeministri Edi Rama ka risjellë në vëmendje, si një tjetër zë pro shembjes së Teatrit dhe ndërtimi të një godine të re. Ajo është rreshtuar në krah të shumë artistëve që kërkojnë një godinë më dinjtitoze për artistët, për brezin e ardhshëm, teksa me anë të një krahasimi, ajo shkruan se ngjyra e kuqe që donimonte në sallë, ishte skuqja nga turpi i këtij shpirti që vuante.

"Mariana Kondi, e cila i ka dhënë publikut shumë personazhe të spikatur në skenë e në ekran, është një nga aktoret që ka mbledhur më shumë duartrokitje në sallën e Teatrit Kombëtar. Ajo ka një qëndrim të qartë në debatin për godinën e teatrit, njësoj si shumica dërrmuese e komunitetit teatror.


MARJANA KONDI:Përtej së kuqes, llozhave, poltronave dhe perdes kadife, lëngonte një teatër i amortizuar e i braktisur nga instancat shtetërore. E kuqja e sallës ishte skuqja nga turpi i këtij shpirti që vuante. Të tillë për fatin e keq e gjej dhe sot. Kjo gjendje shton nevojën për të kërkuar një teatër të ri, të mirëmbajtur, me të gjithë elementët teknik si hapësira skenike, akustika, numri i sallave, elementët audio dhe ndriçim, kapacitet të lartë të vendeve për publikun, ambiente bashkëkohore pune për aktorët. Dhe këtë s’e kërkoj për vete, por për gjeneratat që do vijnë. Kërkesa për një teatër të tillë (pa cënuar asnjë centimetër nga territori ekzistues). Ndaj mbështes çdo iniciativë që kërkon t’i japë kombit, qytetit, publikut, aktorëve, regjisorëve, një teatër që kemi dashur, por pa gjymtuar shtratin e sotëm të teatrit", shkruan Rama, duke cituar aktoren Marjana Kondi.

Postimi i plotë i kryeministrit Edi Rama

B.K./Shqiptarja.com
Komento

Komente

  • Illi: 18/08/2019 19:55

    Qe ajo godine eshte per faqe te zeze, nuk do aus laps e as kalem. Probleme eshte se a na duhet nje teater 30 miljonesh, kur nuk kemi aktualisht te pakten nje trupe teatri per te qene dhe nderkohe qe interesi per teatrin eshte ne renie ne gjithe Bote!? NUK mjafton nje 10 miljonesh?!

    Përgjigju