Pavarësisht se lajmet janë për një festë të socialistëve pasditen e sotme, Rama thotë se nuk ka asnjë organizim të tillë, por një fjalim për fitoren.
Ai shprehet se kush dëshiron është i mirëseardhur në 18.30 në sheshin Skënderbej.
“Asnjë organizim asnjë detyrim asnjë festë sonte në 18.30 në sheshin Skënderbej për fjalën e fitores! Kush të dojë është i mirëseardhur” thotë Rama në statusin e tij në Facebook.
E ndërsa kanë mbetur vetëm pak kuti nga fundi, PS udhëheq bindshëm me 74 mandate, përballë 43 të PD dhe 19 të LSI.
Mandatin e dytë qeverisës Rama mund të drejtojë pa u kushtëzuar nga aleatët, pasi nuk i nevojitet koalicioni.
dy.b/shqiptraja.com
![](https://www.shqiptarja.com/template/img/sh_logo1.png)