POP 5

Lajmet më të lexuara të 5 minutave të fundit

Arkiva

Rama: Spikeren e Kuvendit
do ishte e mira ta kishim burrë

Misioni i OSBE-së ka ulur në një tryezë kryetaren e Kuvendit Jozefina Topalli, liderin e opozitës Edi Rama dhe kreun e LSI-së Ilir Meta. Rama e Meta nuk shtrëngojnë duart. Rama ‘fton gratë e forta të PD që të bëjnë gjithcka për të mbizotëruar burrat shkatërrues”.
Rama: Spikeren e Kuvendit<br />do ishte e mira ta kishim burrë
TIRANE- Rrritja e rolit të gruas në vendimarrje mblodhi në një tryezë kryetaren e Kuvendit Jozefina Topalli, liderin e opozitës Edi Rama dhe kreun e LSI-së Ilir Meta. Tryeza u organizua nga OSBE, por ndërsa kryeparlamentarja Topalli është takuar me kreun e PS-së Rama, kryetari i LSI-së Meta e ka evituar shtrëngimin e duarve..

 WOLLFARTH
Në fjalën e tij kreu i OSBE-së në Tiranë Eugen Wollfarth theksoi se "përfaqësimi i gruas në qeverisje është i pamjaftueshëm".

“Është bërë progres, por jo shumë i pasur për sa i takon rolit të gruas në qeverisje. Është e rëndësishme të jenë 30% e grave në vendimmarrjes sidomos në sistemin politik, për të pasur përfaqësimin e grave në ligjbërje. Partitë politike kanë bërë pak për të bërë një përfaqësim të madh të grave në politikë”- theksoi Wollfarth.

TOPALLI
Në fjalën e saj kryetarja e Kuvendit Jozefina Topalli, tha se tryeza e organizuar nga OSBE-jë është një rast për të ngritur zërin që gruaja të fuqizohet më shumë në politikë. “Të ngremë pyetjen sa është realizuar premtimi për pjesëmarrjen e gruas në politikë? Vetëm 20% e grave në nivel global përfaqësohen në parlament” ka theksuar Topalli ndërsa shtoi se parlamenti shqiptar ka miratuar ligje të rëndësishme si ai për barazinë gjinore. Topalli tha se gruaja është më krijuese, në krahasim me burrat dhe ndikon pozitivisht në procesin e vendimmarrjes, ndërsa burrat kanë natyrë shkatërruese.

RAMA
Në fjalën e mbajtur nga kryetari i Partisë Socialiste, ka theksuar se rritja e rolit të gruas në vendimmarrje do të sillte më pak korrupsion në institucione.

“Jam i bindur sikur parlamenti të kishte këtë përbërje pa dyshim do ishte më i efektshëm, këtë e them jo për fjalën e rastit, por jam i bindur sesa më shuëm gra të përfshihen në vendimmarrjen e këtij vendi, aq më e pakorruptuar do ishte vendimmarrja. Por sa më shumë gra të ishin në parlament, spikeren do të ishte mirë ta kishim burrë, më fal znj,Topalli”.- deklaroi Rama.

Rama preferoi të mbyllte fjalimin e tij duke iu përgjigjur me nota humori deklaratës së Topallit se se gratë janë krijuese krahasuar me burrat që janë shkatërrues. "Më lejoni ti vë pikën fjalimit, se jam dakort me atë që tha Topalli, që gruaja është krijuese, por burrat mos t’i quajmë shkatërrues, por bashkëautorë. Me ndihmën e grave të forta në PD jemi gati të bëjmë gjithcka për të influencuar e mbizotëruar burrat shkatërrues”

META
Ndërsa kreu i LSI-së Ilir Meta theksoi se forca politike që ai përfaqëson ka garantuar pjesëmarrjen e grave prej 30 përqind në forumet e saj drejtuese. Sipas tij mbështetja e grave duhet të jetë prioritet i çdo qeverie, i çdo force politike por edhe të shoqatave të grave.
(s.g/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu