POP 5

Lajmet më të lexuara të 5 minutave të fundit

Politikë

Rama: Struktura e qeverisë së re
ja si do të ndryshojnë 19 ministri
PDF/Kabineti

Kryeministri i zgjedhur nga zgjedhjet e 23 qershorit prezantoi sot strukturën e re të qeverisë me të cilin do të qeverisë për 4 vitet e ardhshme. Rama: Do të ristrukturojmë në mënyrë të plotë e të thellë organikën e kryeministrisë. Do të ketë shkurtim të organikës. Rama: Në fillim të muajit të ardhshëm përbërja nominale e qeverisë së re. 
PD: Rama, qeveri tejet të fryrë dhe "fshesë" mbi administratën
Dje, kreu i LSI-së Meta, takoi Ramën në selinë PS
Rama: Struktura e qeverisë së re<br />ja si do të ndryshojnë 19 ministri<br />PDF/Kabineti
TIRANE- Kryeministri i zgjedhur nga zgjedhjet e 23 qershorit prezantoi sot strukturën e re të qeverisë me të cilin do të qeverisë për 4 vitet e ardhshme. 

Këshilli i ri i ministrave do të përbëhet nga kryeministri Edi Rama, një zv/kryeministër pa portofol, dhe 19 ministra, 3 prej tyre do të jenë ministra pa portofol.

“Struktura e qeverisë së re është ndërtuar mbi bazën e nevojave shumë të rëndësishme që ka vendi. Duke marrë në konsideratë domosdoshmërinë që të ketë shumë më tepër fokus e përgjegjësi të qarta mes sektorëve dhe shumë më tepër mundësi për të krijuar kushtet që të prodhojmë rezultate me shumë më pak shpenzime nga taksat e qytetetarëve", tha Rama.

Në fillim të muajit të ardhshëm do të paraqesim edhe përbërjën nominale të qeverisë së re dhe se numrin më të madh të posteve ministrore do e kenë gratë. Fjala e plotë e Edi Ramës

QEVERIA E RE E KRYEMINISTRIT EDI RAMA 2013 – 2017
 
KRYEMINISTRI
 
ZV/KRYEMINISTRI
 
1. MINISTRIA E FINANCAVE
 
2. MINISTRIA E BRENDSHME
 
3. MINISTRIA E MBROJTJES
 
4. MINISTRIA E JASHTME
 
5. MINISTRIA E INTEGRIMIT EUROPIAN
 
6. MINISTRIA E DREJTËSISË
 
7. MINISTRIA E ZHVILLIMIT EKONOMIK, TREGTISË DHE SIPËRMARRJES
 
8. MINISTRIA E ENERGJISË  DHE INDUSTRISË  
 
9. MINISTRIA E ZHVILLIMIT URBAN DHE TURIZMIT
 
10. MINISTRIA E TRANSPORTIT DHE INFRASTRUKTURËS
 
11. MINISTRIA E BUJQËSISË, ZHVILLIMIT RURAL DHE ADMINISTRIMIT TË UJËRAVE
 
12. MINISTRIA E SHËNDETËSISË
 
13. MINISTRIA E ARSIMIT DHE SPORTIT
 
14. MINISTRIA E MIRËQENIES SOCIALE DHE RINISË 

15. MINISTRIA E KULTURËS
 
16. MINISTRIA E MJEDISIT
 
 MINISTRAT E SHTETIT PA PORTOFOL:
 
1 MINISTËR PËR INOVACIONIN DHE ADMINISTRATËN PUBLIKE
 
2 MINISTËR PËR ÇËSHTJET VENDORE
 
3 MINISTËR PËR MARRËDHËNIET ME PARLAMENTIN


RAMA: ÇFARE  NDRYSHON NGA KABINETI SOT

Kryeministria - Do të ristrukturojmë në mënyrë të plotë dhe të thellë godinën apo organikën e kryeministrisë. Do të ketë shkurtim të ndjeshëm të kësaj organike.

Komitetet ndërministrore - Do të ketë shkurtim drastik dhe reduktim të numrit të tyre.

Një Zv.kryeministër pa portofol - që do të fokusohet në çështje specifike për të çuar përpara prioritetet.

Ministria e Financave - Nuk ndryshon, por do të ketë reformë të thellë strukturore të brendshme.

Ministria e Brendshme - Nuk ndryshon, por do të ketë reformë të thellë strukturore të brendshme.

Ministria e Mbrojtjes - Nuk ndryshon, por do të ketë reformë të thellë strukturore të brendshme.

Ministria e Jashtme - Nuk ndryshon në kompetencat ekszistuese, por reforma strukturore e brendshme do të jetë e thellë.

Ministria e Integrimit Europian - Do të marrë një rol dhe fuqi të re në kushtet kur bëhet e domosdoshme për t’ië dhën fund një periudhe të stërgjatë kaosi në funksion të kryerjes së detyrave për agjencinë.

Ministria e Drejtësisë - Nuk ndryshon në kompetenca, por reforma e thellë dhe strukturore po ashtu do të përfshijë edhe këtë ministri.

Ministria e Ekonomisë ndahet në dy ministri -  Ministri të Zhvillimit Ekonomik, Tregtisë dhe Sipërmarrjes dhe Ministri e Energjisë dhe Industrisë

Ministria aktuale e Punëve Publike dhe Transportit ndahet ne dy ministri: Ministri e Transporteve dhe Infrastruktures dhe në Ministri të Zhvillimit Urban dhe Turizmit

Ministria aktuale e Arsimit nga shtatori do të jetë Ministri e Arsimit dhe Sportit

Ministria aktuale e Bujqësisë - do të kthehet në Ministrinë e Zhvillimit Rural dhe Administrimit të Ujrave.

Ministria e Shëndetësisë - mbetet me kompetencat ekzistuese dhe merr edhe mbrojtjen e konsumatorit, sipas fushës përkatëse.

Ministria e Arsimit dhe e Sportit - Bashkojmë arsimin me sportin në një ministri.

Ministra e Punës, e Çështjeve Sociale dhe Shanseve të Barabarta - Ministri e Mirëqënies Sociale dhe e Rinisë

Ministria e Kulturës, Turizmit, Rinisë dhe Sporteve -  vetëm Ministri e Kulturës, që do të merret vetëm me trashëgiminë kulturore

Ministria e Mjedisit, Pyjeve dhe Administrimit të Ujrave - do jetë vetëm Ministri e Mjedisit.

Ministria per Inovacionin Teknologjine e Informacionit dhe te Komunikimit  nga shtatori do jetë Ministër pa portofol për Inovacionin dhe administratën publike

Qeveria e re do të ketë:
Një ministër pa portofol për Inovacionin dhe Administratën Publike
Një ministër të Marrëdhënieve me Pushtetin Vendor
Një ministër për Marrëdhëniet me Parlamentin

QEVERIA E RE, ME NUMRIN ME TE MADH TE GRAVE NE HISTORI

Pas njoftimit të strukturës së qeverisë së re, ka shënuar në profilin e tij zyrtar në Fb se qeveria e re do të ketë numrin më të madhe të grave që një qeveri ka pasur.
“Për të gjithë ata që pyesin pafund për përbërjen e qeverisë, mund të them vetëm se do ketë numrin më të madh të grave në historinë e vendit.” – shkruan Rama.

Redaksia online
(sg/arsh/mag/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça